Laburo España: 250.000 ofertas de empleo

Espezial 3: II Congreso de l'aragonés

Archibau en Notizias • Fecha: 12-07-2006 01:49:10

Zagueras informazions.



Tristement, he de fer-vos pública esta nota de Chuntos por l'Aragonés en respuesta a un acto d'o IEA que como minimo ye vergüenyoso de tot. A nota diz:

Compañers y compañeras d'a Comisión Organizadera, compañers y compañeras congresistas:

Ayer, 11 de chulio de 2006, o Instituto de Estudios Altoaragoneses fazió publica una nota de prensa en a que se desbincula d'o II Congreso de l'Aragonés. Tos pencho como documento adchunto a nota que ha feito publica l'achenzia EFE. Debán d'a situazión creyada, a Chunta Direutiba de Chuntos por l'Aragonés quiere informar-tos d'o siguién:

A Chunta Direutiba de Chuntos por l'Aragonés (Comisión Organizadera d'o II Congreso de l'Aragonés) quiere fer sabedors a toz os congresistas que as afirmazions que podemos leyer en a nota de prensa feita publica por o Instituto de Estudios Altoragoneses (I.E.A.) no s'achustan a la reyalidat. Encara que ye zierto que no ye estau posible inscribir una asoziazión que se clame "academia", no ye brenca zierto que no se pueda constituir l'Academia de l'Aragonés, nombre que podrá emplegar l'Academia que naxca en o II Congreso porque Chuntos por l'Aragonés tiene a marca rechistrada. Dende o punto de bista legal una asoziazión, como Chuntos u o nombre que l'Academia dezida, dará cobertura a l'Academia de l'Aragonés.

Respeutibe a l'afirmazión que o IEA fa de que Chuntos ha ofrexiu informazión de manera "imprecisa, escasa y sesgada", tamién emos de manifestar o nuestro más absoluto desacuerdo porque o treballo de Chuntos ye estau trasparén en tot momento. En tot momento s'ha transmitiu a toz os congresistas, como sabe, a informazión por meyo de las zirculars y, antimás, s'han feito publicas en a nuestra pachina web todas as autas d'as reunions. En ixa pachina web i ye toda a informazión de que disposa Chuntos por l'Aragonés.

Ta rematar queremos manifestar que en a comisión i son representadas muitas asoziazions y bella instituzión, como o IEA. Cadaguna d'estas asoziazions u instituzions tiene como minimo un representán en a Comisión, encargau de fer plegar a suyas inquietuz y, de bez, de trasmitir a ixas asoziazions u instituzions tot o tratau en as reunions de Chuntos. Creyemos que en o caso d'o IEA, Francho Nagore Laín, no l'ha feito plegar con fidelidat o debatiu y l'aprobau en as reunions de Chuntos. Nomás en ixe caso puede entender-se l'autitut presa por o IEA en estos momentos cruzials ta la nuestra luenga.

En tot caso, tos animamos a toz os congresistas a partizipar actibamén en o Congreso y que iste siga un esito total.

A Chunta Direutiba de Chuntos por l'Aragonés


Amás, Fernando Sánchez, secretario de Chuntos por l'Aragonés, pide "responsabilidat a toz os congresistas por o bien de l'aragonés".

A nota de prensa la podetz leyer en Nota de prensa

Escrito por Charrabís
(5) Comentarios • (0) Referencias • Binclo pernanén


Referencias (URL para referencias)


Comentarios

  1. Más info en o Diario Alto Aragón:
    http://www.diariodelaltoaragon.es/noticias/detalle...

    amelia — 12-07-2006 08:30:08

  2. Agora cal fer o II Congreso como lebamos tantos meses asperando, dimpués tenemos muito tiempo ta fer-ne analises.

    De totas trazas m'estimo més como Academico a Quino Villa u Ana Tena Puy que no a Nagore. Patrimonials que tienen conzenzia, conoximientos y ganas.

    fablapensador — 12-07-2006 11:16:12

  3. Beigo que te treballas muito as fotos que metes, pero ixe no ba a estar o futuro. Siñors, enta debán! o futuro siempre ha estau d'os balientes y d'os que s'arriscan, d'os que meten a cara por debán y no tienen que estar amagando-sen, de tanta chen que rempuxa por dezaga y de a responsabilidá que, en palabras de Emilio Gastón, un Aragonés de Conzenzia debe de pillar cuando cal.

    Enta debán o II congreso

    fagotarra — 12-07-2006 11:24:03

  4. Garra feito ni garra presona mos sacará d'a ilusión d'un esbenidero millor... Ye esclatero, qui no quiera millorar as cosas, a un canto se le dixa: a resta imos entabán.

    Choben — 12-07-2006 11:27:54

  5. Fablapensador, fagotarra, choben... Soi con busatros. Comparto o buestro optimismo y as ganas de fer-lo tot bien y no reblar en este empeño tan importán ta l'aragonés.

    Espero que a resta de congresistas tiengan estos mesmos animos. Ye o que nos cal.

    Un saludo. Animo.

    Charrabís — 12-07-2006 16:12:33


Comentar



Recordar datos