:: O chemeco d'as parolas (en aragonés) ::

O chemeco d'as parolas (en aragonés)

Especial 4: II Congreso de l'aragonés

Archibau en Notizias • Fecha: 12-07-2006 14:59:39

Academicos que han aceptau d'estar-ne.

Bien, pues una mui buena notizia en tiempos de taquicardias: as personas que han azeptau estar academicos a las 14:30 de güe.

Quiero resaltar bel par de cosas:
- A increyible azeptazión que ha teniu entre os parlans maternos. I hai representazión de chesos, sorbrarbeses y ribagorzans. Nombres con representatibidat, conoiximientos lingüisticos, y boluntat de treballo y consenso. Que ye o que cal en l'Academia.
- Total representazión d'o mobimiento de recuperazión de l'aragonés que no ye materno. En este sentiu, i hai personas capazitadas, treballaderas, buens imbestigadors y chen actiba en l'actualidat.

Anchel Lois Saludas (Barré) - Por o belsetán.

Juan José Lagraba - Por o cheso.

José Lera - Por o cheso.

Quino Villa - Por o chistabín.

José María Satué - Por o sarrablés.

Ana Tena Pui - Por o baixo-ribagorzano.

Manuel Castán - Por o rib. benasqués/patués.

Chabier Lozano - Imbestigador multidialectal.

Chusé Aragüés - Editor y traductor.

Roberto Serrano - Por o chistabín.

Juan José Segura - Imbestigador cheneral.

Rafel Vidaller - Por o somontanés.

Fernando Romanos - Imbestigador multidialectal.

Francho Rodés - Imbestigador multidialectal.

Fernando Sánchez - Imbestigador multidialectal.

Como beyez, una academia que ya podría estar parada ta prenzipiar a treballar con buen nibel. Ixo sí, encara que ya me fan contento estos "fichajes", cuento que encara debría d'aber bel par de personas más. Y no soi pensando en Francho Nagore, no. Esperemos que a chen que encara no ha dito ni que sí ni que no beiga y entienda a importanzia d'ir dando trangos enta debán y dezida de fer parte d'un prozeso istorico que ya no se puede aturar y ye o futuro d'a luenga.

Respeto, umildat y responsabilidat, por fabor. Cada persona ye una alfaya ta l'aragonés.

suerte

Bueno, felizidaz a os academicos que han azeptau esta responsabilidat. Seguro que lo farez chenial, soz un buen equipo de treballo. Enhorabuena a toz.

Escrito por Charrabís
(5) Comentarios • (0) Referencias • Binclo pernanén

Referencias (URL para referencias)

Comentarios

Gran notizia, sí siñor! Ya soi tornau d'a placha de propio ta asistir á o Congreso. Ixos nombres han d'estar claus en iste nuebo trango d'a Luenga. De buen implaz me dixo contaxar por o tuyo optimismo. Bi ha futuro!
Parricero — 12-07-2006 18:33:54
Tiens cambeatos a rafel vidaller por satué en l'aria dialeutal...a notizia ya amanixe en l'heraldo
http://www.heraldo.es/heraldo.html?noticia=171305

mefaltanombresclau — 12-07-2006 19:49:40
Parricero, m'alegro que tornes d'a placha. A beyer si nos fa goyo o congreso!

Mefaltanombresclau, perdona por a error. Ya ye correchita, muitas grazias por tot!

Un saludo, maitín prenzipia o Congreso!
Charrabís — 12-07-2006 23:33:44
Lo siento muito, pero si no s'adiben a ixe lista personas como Nagore u Nabarro, por exemplo, y más chen d'o Consello, no i soi d'alcuerdo. Agora resulta que os que más y millor han treballau por l'aragonés, os que millor lo conoxen, os que más prestichio tienen a libel internazional, os que han feito que o mobimiento por l'aragonés siga güe lo que ye, no tienen o reconoximiento que merexen. Nagore, Nabarro, Latas, y chen infinitamén baliosa d'o Consello han de ser tenius muito en cuenta.

L'Academia naxerá coxa si no cuenta con ixas personas.

A chen que ye incluyida en a lista ye chen de balura, en cheneral. Pero si a belunas d'ellas las acomparamos con Nagore u Nabarro... pos que no bi ha comparanza posible, as cosas como son. Por obras publicadas, por estudios feitos, por conoximientos lingüisticos. Ye profundamén inchusto fer de menos a ixas personas.

L'aragonés ya no está ta más eszisions. Y en o Consello no tienen a totalidá d'a razón, pero tamién en tienen de razons, y muitismas. Razons de peso.
Lanaxa — 13-07-2006 00:09:16
Si tal ye a importanzia que representan para l'aragonés, no dudo en que entenderán que han de fer parte de l'Academia de l'Aragonés.

Cuento que aquí o problema no ye forachitar, sino autoexcluir-se y amás mirar d'estortecar.

Lanaxa, tiens razón por tot o que han feito y espero que continen fendo más y millor ixas personas y atras que no has nombrau.
Me faría goyo que tamién m'entendeses a yo y a la chen que ha parlau en esta y anteriors notizias.
Ye claro que no nomás sin Nagore ye coixa l'academia, sino sin a resta d'academicos.

Pero qué opinas que ha de fer-se si una serie de personas refusan dentrar-ie y no i hai traza de fer-las benir a plego? Entiende-nos. S'han conseguiu muitos logros. Cal estar optimistas y beyer cómo l'academia (y repito, siempre podría existir una academia millor) puede fer un buen treballo.
Charrabís — 13-07-2006 00:25:28