Laburo España: 250.000 ofertas de empleo

Nuebos bideos en CharrandoTB.com

Archibau en Notizias • Fecha: 03-07-2006 00:42:05

En i hai de tot y ta toz



CharrandoTB.com ha puesto replegar atros dos bideos más ta la suya colección:

Ulut:
Bideo d'o conzierto d'iste choben grupo de mosica hard-core que cantan en aragonés. A canta ye: Espiellos, beires y fierros.
Qui nomás podaz sentir mosica clasica, no tos lo mirez...

Ansotano:
Bideo feito por Quino Villa dende a obra "Recuerdos de l'onso Chorche", escrita por ninos d'Ansó.
Ye mui bien y un claro exemplo de cómo, encara con pocos recursos pero con ganas, se pueden fer autenticas marabellas por a luenga ista.

Espero que los beigas fendo uns güellos como los feba yo!

Escrito por Charrabís
(4) Comentarios • (0) Referencias • Binclo pernanén


Referencias (URL para referencias)


Comentarios

  1. Sobre lo de l'osnso Chorche. Muitas begadas parix que encara no s'ha "puesto plegar" en puestos patrimonials como Ansó. Y resulta que sí que s'ha feito y ya fa muitos años (1990)

    Manimenos parix que se fan as cosas y dimpués se ixublidan y no se i dixa garra marca de que se i estió u se i fazió bella cosa.

    Un exemplo claro ye este bidio. Agora con tot o mundo fendo bidios no ye mica bistero, ni truca guaire o ficazio fer un bidio asinas. Pero prexinaz-tos fa 16 años lo que ese estau que un bidio asinas s'ese distribuyiu entre os ninos y pais d'Anso, no solo de os que i partizipón sino de tot lo lugar y ese puesto serbir ta que ixe Anso Films podese aber continau a suya faina.

    Nos quexamos de que no se fan cosas, y cuan se fan, ni se'n fa publizidat, ni promozión , ni cosa. De feito, ni sabeba a esistenzia d'ixa bidio.... ¿Será que Quino Villa no yera d'o CFA y por ixo no esistiba?

    Millor ni siguir pensando en isto ta no carrañar-nos más.

    fablapensador — 03-07-2006 10:23:07

  2. Siguindo con esto. L'altro diya m'enteré que una amiga mía de A Fueba rezibié clases d'aragonés en o colechio en ¡¡1985!!

    Pos resulta que i yera la tipica mayestra d'o CFA que no teneba ni idea d'aragonés y que correchiba a os suyos alunnos.

    Prexinaz-tos lo contraproduzén d'ixas clases, que a mía amiga que ye aragonesista (moderada) y que o fobano lo ha bibiu bien zerca no quiere saber mica de l'aragonés, y siempre me fa referenzia a ixa esperienzia "traumatica" cuan yera chicota, con ixe mayestra d'o CFA.

    No ye que no s'aiga plegau en os puestos patrimonials ye que s'ha feito asabelo de mal.

    Y millor no siguir, que o que me soi carrañando soi yo.

    fablapensador — 03-07-2006 10:28:09

  3. Fablapensador, anda, as culpas de tot no han d'acumular-se siempre a denguno. As asoziazions que luitan por l'aragonés ya sabes que lo fan siempre como pueden, pero lo fan.

    Francho Nagore, responsable de Publicazions d'o CFA, informa sobre o libro que ye l'alazet d'ixe bideo por correu electronico:

    "O libro "Recuerdos de l'onso Chorche" ye un libro que fazió Santiago MONCAYOLA con os mozez e as mozetas d'a Escuela d'Ansó. Lo publicó Publicazions d'o Consello d'a Fabla Aragonesa en 1990, en a suya colezión "Serie cheneral en aragonés" (lumero 39). Agora se torna a publicar en a colezión "O gua", d'a mesma editorial."

    Bueno, pues ta que beigaz que o CFA encara ha feito cosas.

    Charrabís — 03-07-2006 18:32:28

  4. tonto

    juan — 08-12-2006 15:17:46


Comentar



Recordar datos