:: O chemeco d'as parolas (en aragonés) ::

O chemeco d'as parolas (en aragonés)

Numero 17 d'o Espiello

Archibau en Notizias • Fecha: 01-07-2006 01:13:49

Una rebista que cal leyer!

espiello17

O espiello, a rebista de publicazión periodica de l'Asoziazión Cultural Nogará, ya tiene una nueba tirada en a carrera. Ye o numero 17.
Ista "rebista d'autualidat de raso en aragonés" ye, en a mía opinión, a millor rebista en aragonés tanto por l'aragonés que se i fa serbir, como por a maquetazión y a tematica cheneral, en Aragón.

En iste numero, i trobarez chunto con as seczions de siempre (notizias, cuentos ta ninos, chuegos...):

- Resumen d'as "13enas Chornadas d'as luengas d'Aragón" feitas por Nogará en colaborazión de Chuntos por l'aragonés
- Reportache: "Dezaga d'o Yeti pirenenco" por Óscar Lerín.
- Reportache: "A luenga, más que un meyo de comunicazión" por Chorche Pellejero .
- Entrebista: "O Centro Aragonés de Barcelona. Casa de Aragón", por Jacinto Bello, Cruz Barrio, Silvia Pérez y Alberto Lamora.
-Reportache: "La istoria de Yuri Gagarin" por Sergio Mur.
- Zienzia y tecnolochía: "Isaac Asimov" por Carlos García.
- Zienzia y tecnolochía: "A primera botella biodegradable d'o mundo" por Rocío Montañés.
- Reportache: "O esquinazo y a fisioterapia" por Dabí Anquela.
- Guillén Tomás, Sergio Mur y Chusé Ramón Barrios entre atros s'encargan de comentar Discos, nobedaz editorials, zine y conziertos.
- Gramatica aragonesa: "Emplegos d'o berbo fer en aragonés" por Choche Díaz como resumen d'a charrada que en fazió Fernando Romanos en Nogará.

En fin, una mui buena rebista con muito treballo dezaga que mira de fer que l'aragonés cuente con un meyo de comunicazión que pueda achuntar todas as tendenzias y tematicas en una mesma publicazión.

Tos la recomiendo ta prenzipiar o berano bien informaus!

Escrito por Charrabís
(2) Comentarios • (0) Referencias • Binclo pernanén

Referencias (URL para referencias)

Comentarios

Ixa Rozio!!! Aupa!!
Fablapensador — 01-07-2006 20:25:35
Jajaja, pues ta os seguidors de Rocío, que ya beigo que beluno i hai por astí, les comunico que igual contina fendo bel articlo (somos en tramites de fichar-la...). Os montañeses se farán cargo a la fin de l'aragonés? Espero que sí!

Ala, a leyer a rebista tres u cuatro bedagas dica que se faiga l'atra.

Un saludo, Fablapensador, feba muito que no comentabas...
Charrabís — 02-07-2006 00:17:57