Laburo España: 250.000 ofertas de empleo

Nuevo blog en aragonés:

Archibau en Notizias • Fecha: 25-06-2006 17:41:41

Plega de naixer y ya quiere estricallar!



Estricalla ye o nuebo blog amaneixiu en aragonés que naixe, pareixe, con muita fuerza. Choben, o suyo fedor, diz que s'actualizará a sobent.
Prou que no dudamos que o suyo nombre de guerra ye representatibo d'a suya linea critica, seguro que nos soprende con buena cosa de articlos d'opinión bien feita.

O suyo aragonés, dentro d'o estándard, ye correcto y amás no fa serbir ixas "curiosidaz" que encara i hai chent que escribe como comuns. Contina asinas.

Espero que tos faiga tanto goyo como a yo m'ha feito de beyer cómo se fan más blogs en aragonés dimpués d'una etapa que no ye estando guaire buena ta ista "luenga" en internet.
T'adibo en os míos binclos!

Suerte, choben estricallador.

Escrito por Charrabís
(3) Comentarios • (0) Referencias • Binclo pernanén


Referencias (URL para referencias)


Comentarios

  1. Te foi saber que he beyiu un nuabo blog en aragonés. Te'l digo perque beigo que no i surte en a tuya ringlera de binclos. Se clama parolas e charra de cosas bariadas. Ye zaragozaciudad.net/parolas
    Xata

    xata — 26-06-2006 10:57:07

  2. Perdona, Xata, yo tamién lo he visto, pero no eba parau cuenta que ixo yera en aragonés.

    Sí, ya sé que no lo he meso en os míos vinclos. Hi hai explicación: tot ye porque en o dito blog facié un comentario que se me censuró (considero que injustament) i por ixo cuento que dica que no veiga si me fa goyo u no, no lo meteré en a lista d'os que me cuacan.

    Por cierto, i ya que en altros blogs no hi hai guaire libertat d'expresión, encara que dende Chemecos s'apuesta por un cambio ENTA MILLOR, no se critica ni se desvirtúa tot o feito con anterioridat. De feito, me pareix una faina muit bien feita a feita dica agora, sin meyos tecnicos ni humanos, sin conoiximientos generals i mesmo sin visión de conjuntunto d'a luenga. Por ixo, porque creigo que s'ha feito muit bien mesmo con totz ixos problemas, estoi que cal continar en a linea que Chuntos, como representant d'a UNIDAT de totz, ye fendo, i continará fendo, en o II Congreso de l'Aragonés que va a establir unicament l'Academia de l'Aragonés gracias a la votación d'a lista d'academicos zarrada que s'ha parau con muita responsabilidat dende ixa unidat.


    Charrabís — 26-06-2006 12:54:47

  3. Muitas grazias por as tuyas parolas, a berdat que agora que prenzipia lo berano bi ha más tiempo ta fer cosas, dentre ellas, prebar de charrar millor y prou que ficar-ie bella parola más en aragonés charrando de tot o que creigo que ye intresán.

    Yo aspero autualizar-lo a sobén, a lo menos en o berano, pero imos... tampoco no se si podré mantener isto que digo (me pienso que sí).

    Tos combido a partizipar-ie y, como he dito en a ziber-rufierta y en o propio blog, aspero que tos faiga goyo.

    Choben — 26-06-2006 14:42:20


Comentar



Recordar datos