:: O chemeco d'as parolas (en aragonés) ::

O chemeco d'as parolas (en aragonés)

Nobedatz sobre o Estatuto y l'aragonés

Archibau en Notizias • Fecha: 04-06-2006 18:54:01

As cosas continan mal, pero no pas tanto...

estatuto

Pareixe que, seguntes as informazions amaneixidas i hai consenso entre PP, PSOE, IU y PAR sobre una enmienda a l'ariclo 8 (o d'as luengas d'Aragón).
En o Diario del Alto Aragón se diz que:

"Resaltaron especialmente la enmienda para la modificación del artículo 8 sobre las lenguas y modalidades lingüísticas de Aragón, que fijaría que una Ley de las Cortes establecerá las zonas de uso predominante; regulará los derechos de utilización de los habitantes de esos territorios; promoverá la protección, recuperación, enseñanza, promoción y difusión, y favorecerá en las áreas de utilización su uso en las relaciones de los ciudadanos con las administraciones públicas aragonesas".

Tamién güe en o Heraldo amaneixe o "Manifiesto por los derechos lingüísticos de los aragoneses" (en foto) an que un puyal d'asoziazions, organizazions y instituzions, amás d'apoyos personals de diputaus, alcaldes, conselleros y presidents de comarca, etc. manifiestan que:

"Después de 24 años de autogobierno es necesario que el Estatuto de Autonomía de Aragón reconozca la oficialidad del catalán y el aragonés en sus respectivos territorios"

Bueno, esperemos que os politicos beigan a nezesidat de fer chustizia y cudiar una miquinina as luengas nuestras.

Escrito por Charrabís
(6) Comentarios • (0) Referencias • Binclo pernanén

Referencias (URL para referencias)

Comentarios

En primer puesto, Charrabís, norabuena por o reconoximiento d'o tuyo treballo por parti d'os meyos. Has feito un buen treballo de periodismo cultural en aragonés en o rete, y ye de chustizia que se reconoxca. Ye duro mantener un blog d'istas carauteristicas, más d'o que muita chen puede pensar-se.

En cuanto a o reconoximiento ofizial de l'aragonés y o catalán d'Aragón me faría muito goyo que s'abanzase estraordinariamén en a nueba redazión d'o Estatuto, porque un Estatuto se fa con boluntá de durabilidá y no ta que cambee u ta que s'enmiende cada añada... Sisquiera os politicos beigan a gran riqueza que representan aragonés y catalán d'Aragón y autúen con esprito amplo y bisión de futuro. Aquí nos chugamos a superbibenzia d'as nuestras lenguas. Ya no bi ha tiempo ta dandaliar u chugar con o nuestro patrimonio lingüistico. Si no se i fa cosa, desaparixerán as nuestras lenguas, por muito que chen benebolén faigamos un poder ta cautibar-las. Sisquiera os politicos autuasen en iste tema con masima responsabilidá y buen chudizio. Que as nuestras lenguas tiengan en o Estatuto a dignidá que todas as comunidaz atorgan a las suyas fablas, ni más ni menos. Si no se fa asinas, o futuro dizirá por qué se dixoron perder en l'oblido as nuestras luengas, por qué os que podeban aber feito cualque cosa no lo fizon.

Deseyo a los altoaragoneses suerte en o reconoximiento d'a luenga de toz nusatros, l'aragonés. Porque l'aragonés ye nuestro tamién, a chen d'o Sur. Y a tristura que imple o mío corazón ye a siguién:

Ta o Sur, ta la chen que en as comarcas u redoladas d'o Sur charramos os riquismos repuis de l'aragonés, a redazión d'ixe Estatuto significa a muerte definitiba d'a nuestra riqueza lingüistica , a muerte d'as nuestras parolas, y no sólo parolas, d'as nuestras carauteristicas lingüisticas aragonesas, d'una riqueza inmensa. No ba a tener iste patrimonio defensa denguna, ni os que somos depositarios d'el dengún estatuto personal en tanto que charradors d'as nuestras peculiaridaz y charradors tamién, beluns, d'a forma forma plena d'a lengua aragonesa.

De todas trazas, repito, suerte, altoaragoneses.
Chuan Chusé Bielsa — 05-06-2006 02:11:23
Wenas Charrabís. Primero te doy a norabuena por a tuya aparizión en o periodico ¡Sisquiera ixos reconozimientos a los que treballaz firme por l'aragonés se fiziesen más a ormino!

Dimpués, sobre a redazión d'o estatuto tiengo un dandalo: ¿Qué ye esautamén a cofizialidat? Ye que si a yo me dizen de definir-la, digo que ye "regular los derechos de utilización de los habitantes de esos territorios; promover la protección, recuperación, enseñanza, promoción y difusión, y favorecer en las áreas de utilización su uso en las relaciones de los ciudadanos con las administraciones públicas aragonesas". No ye ixo?

Si no ye ixo, cuála ye a esferenzia?

Y si sí que ye ixo, por qué no meten direutamén cofizialidat y prou?
Marco — 05-06-2006 19:13:43
Ospa, Charrabís, que t'has feito famoso! La norabuena, chicón, sinzerament, que estás fent un treballo asabelo de bueno en el rete. Y a bier si ñai suerte y els politicos aragoneses en fan caso, d'el manifiesto. En primeras, el feito que Becana le de el suyo refirme me fa prou goyo. Si Becana el Prudent i está, talment el PSOE en faiga caso.

Y ora una cuña de publizidat, que el güeito de chunio, a las treze oras, se fa la Pastorada a Benavarri, els que queraz escuitar catalán en Aragón antis no dasaparixca puyaz-ie.

Entabant con el blog, Charrabís, y mos beyem en el congreso.
Guineu — 06-06-2006 01:54:12
L'articlo que parla d'as variedaz ye o seteno.
Becana ye en Madrid per ixa razón
tringoleto — 16-06-2006 17:57:33
Una pregunta que encara no m'ha quedau guaire clara:
¿Estos cachicos de carne con güellos que son os nuestros politicos se dignarán a charrar esplizitamén d'aragonés y catalán u caldrá continar emplegando un parrafo ta fer-ie referenzia?
Encara no he puesto beyer a redazión que quieren foter-nos, si no salen os nombres como si nos la cascamos, efimero plazer.
Por atra part, estoi que ixe modelo charrando d'a orquesrtina ye por o de mediebal, pero t'he de dezir que tampoco no se me fa guaire raro. Ez bisto a zaguer minipublicazión d'Usón. A yo o modelo, alto u baxo, me fa goyo.
dabilon — 18-06-2006 10:21:05
Guineu, mira si ye triste isto... Pero en qué cósa bibimos??? No ye normal...
En o congreso nos beyemos, pero ya te podrías fer tú atro blog, que sin tú isto no ye o mesmo...

Dabilon, tiens muita razón, efimero palzer... jajaja.

A yo o mediebal m'encanta. Y bueno, igual miro d'emplegar-lo más a sovent por aquí! Sí, o modelo grafico d'Usón diz que ye mui bien. Yo encara no lo he bisto, pero por o que m'han contau, me fará goyo.
Cuan pueda leyer o libro en faré una critica en o blog, espero que m'aduyes a comentar-lo, bale?

Un saludo a toz!

Charrabís — 19-06-2006 01:11:05