Laburo España: 250.000 ofertas de empleo

Francho Nagore

Archibau en Opinions • Fecha: 10-03-2006 14:36:20

Un mito por tierra?



Leigo en a Ziber Rufierta y en o blog O capazo que i hai nobedatz dentro d'o mundo de l'aragonés. Ista begada con a más que reprochable entrebista a Francho Nagore, una d'as personas que más ha feito (en ambos sentius) por l'aragonés.

Podetz leyer bel par d'as lineas d'a suya entrebista en O capazo u mesmo mercar-tos a rebista Qriterio y leyer as dos pachinas que fan pena.

Me pregunto: Ta qué se fa una Academia si no ye ta prenzipiar dende zero? Ta qué se chuntan as asoziazions si no ye ta fer as cosas de conchunta, contando con totz?
- Ye ta ratificar tot o feito por l'anterior congreso? No, ye ta millorar tot, ta cambiar a endrezera, ta mirar de salbar l'aragonés y luitar por él.
- Ye ta seguir as normas que diz o consello asesor? No, son unas normas que bueno... ta qué en parlar. Ni éls se fan caso.
- Ye acaso ta no cambiar cosa? No, tot se fa ta cambiar, ta millorar, ta mirar enta o futuro. Reconoixer as errors, chustificar os logros...

Qué pasa con a grafía? nomás i hai una posible aplicazión? Desgraziadament, as normas graficas son tan mal feitas que deixan muitos foraus y muitas custions sin soluzionar. Se'n puede fer muitas interpretazions. U nomás puede existir un exegeta?

Ye posible que faiga fuera d'o mobimiento a todas ixas personas y asoziazions por nomás escribir una -t cuan cal, continando con a tradizions mediebal y permitindo aglutinar diferents pronunziazions? No entiendo cómo, dimpués de tanto tiempo, que encara i aiga chent que pueda continar con a mesma ideya, con a mesma concepzión de l'aragonés de fa 30 años, sin entender que as luengas, como tot, eboluzionan y a suya normatibizazión puede millorar-se... Ye incomprensibe.

Yo continaré apuntau en o congreso, y faré baler a mía opinion cuan calga si cal. Siempre dende o respeto, a umildat, mirando por l'aragonés y mirando por a unidat d'o mobimiento. Con una postura progresista, reformista. Creigo que ixa ye a ideya, encara que uno d'os pais d'o mobimineto (que no de l'aragonés) faiga entrebistas dezindo tot o contrario.


Chuntos por l'aragonés, pero no por l'aragonés d'una persona, sino por toda a luenga, totz os dialectos, todas as personas que lo parlan, as asoziazions que luitan por él y que creyen en él.

Chuntos por TOT l'aragonés.

Y prou de sectarismos...

Escrito por Charrabís
(10) Comentarios • (0) Referencias • Binclo pernanén


Referencias (URL para referencias)


Comentarios

  1. Me pienso que cal fer una buena limpia en o mundet de l'aragonés. Que toz os creticos con Nagore debanten a suya boz.

    fablapensador — 10-03-2006 15:55:26

  2. Pero fez-ne un JPG, tú u el bordegot u qui seiga, perque, si no, charram d'el que no em leyiu (y Qriterio no é una rebista que se benda a toz els puestos, de feito mesmo en Balbastro me costará trobar-la). De totas trazas, si tú dizes que Nagore pixa difuera de puesto, te creigo, Charrabís, que prou ben as contrimuestrau tenir la capeza ben mueblada. Ora, i antis d'ir-me-ne a casa d'el Bordegot a bier qué diz, tot isto é encá més ragón ta acudir al II Congreso, ta bier que ha siu buena ideya el mobimiento pluriasoziatibo de Chuntos y ta dar-le un buen espientón a l'aragonés (enta la normalizazión, no enta l'espuenda).

    Guineu — 10-03-2006 16:29:26

  3. Guineu, agora no te'n puedo fer o JPG, perdona, ista nuit miraré de fer-lo ta que lo puedas leyer tot. Que son dos pachinas plenas y se'n puede sacar muitas cosas...

    Pues no sé, fabla pensador.
    Igual sería millor que totz os criticos fesen un poder ta fer-le beyer a Nagore que as cosas no son como él deixa entender en a suya entrebista.
    Igual ye millor que, en cuentas d'enfrontinamientos atra begada dentro d'o mobimiento, se aclaren as posturas y se explique istas declarazions.

    No creigo que calga a luita personalista atra begada, igual ye millor que lo apañen entre éls, y que istas personas que continan como fa 30 años, y biben en un aragonés personal, ubran os güellos (u les ne ubran) y beigan que i hai más chent, más ideyas, pas posibilidatz y trazas de cambio.

    Una critica personalista faría (u ferba, imos á fablar como quererba e dizirba ra norma) más mal a l'aragonés que no a atras cosas.

    Qué en piensas?

    Charrabís — 10-03-2006 16:36:21

  4. Me pienso que per muito que le digamos a Nagore brenca influyenzia bi tendremos, u tendrán os que lo prebasen de fer bocahr de parixer. Ixo me fa alcordanza muito a ixo de "no m'he sabiu explicar" cuan reyalmén qui t'ascuita ye que no ye d'alcuerdo con tú, no que no t'aiga acatau.

    ¿Luita personalista? Me pa que ixas opinions nomas la tiene Nagore y un tal Santamaría d'o REA que emplegan un aragonés macarronico y son fiels a os intreses de CHA (intreses debán de a posibilidat de chestionar poder y no pas d'intreses ideolochicos de caracter aragonesista).

    Creigo que CHA ye dezaga de tot, que quiere aturar a rasmia de Chuntos por l'aragonés porque no l'intresa un mobimiento con rasmia, sino una coseta que este asti presén pero que no baiga guaire entadebán. A CHA l'intresa aparixer deban de a opinión como los que aturan os posibles excesos, o dique de contenzión de l'aragonesismo , en este caso cultural, asinas que l'intresa que exista Chuntos pero un Chuntos dózil que no faiga guaire a tana, que no reibindique masiau y que seiga controladet.

    Por ixo, surte un Francho Nagore que se sitúa estratechicamen no ya en o CFA sino en IEA. En IEA no bi ha mas chen de l'aragonés, u ye Nagore u no i hai dengún.

    Asinas que piensan que no i abrá balor ta "pasar" de Nagore porque ye qui ye l'ombre de l'aragonés en IEA qui dona lechitimidat instituzional y qui puede manullar ziertos diners.

    Y como aqui manda qui tiene o poder y os diners toz á callar. CHA no amenista guaire chen afín, con tener a 1 u 2 bien situaus l'importa igual lo demás.

    fablapensador — 10-03-2006 17:14:02

  5. Has dito bel par de cosas interesants que prou que si pasasen de berdat nos abrían de fer miedo, pero o tema de CHA y Chuntos... Cal deixar bien claro que Chuntos ye APOLITICO de tot y que no ye manullau por GARRA partiu, y en as suyas filas i hai chent de todas as tendenzias politicas.
    Dizes que iste senyor sí que en ye... Yo ixo no lo sé, ni sé si él deixaría que lo utilizasen como ferramienta de control.

    No sé qué razons tiens ta dezir ixo, de berdat, pero creigo que cal tener confianza en a resta d'as personas y asoziazions que fan parte de Chuntos y que s'han fotiu bels años d'a suya bida treballando por iste prozeso. No creigo que se deixen abatanar por cosas asinas.

    O tema d'os diners ye un tema important, y o tema d'o IEA tamién en ye. Espero que ista instituzión faiga as cosas bien y apoye a chuntos pase o que pase, como ye de dar.

    Charrabís — 10-03-2006 23:39:19

  6. Francho nagore ye una d'as capezas de Cha en uesca, en a rete bi ha bellas fotos suyas, ara he trobau ista:
    http://www.infoadcom.com/chunta/paginasgaleria23a/...

    lizer — 11-03-2006 13:45:46

  7. Cao, cao. Chuntos ye apolitico. Y a millor chen de l'aragonés i ye; y no parlo de a chen con mas conoximientos (que tamién) sino me refiero a calidat umana.

    Cuan parlo que CHA ye dezaga de tot, no me refiero a que seiga manullando Chuntos sino que ye manullando á Nagore, o seiga que ye dezaga de tot d'esto que somos parlando en este filo en concreto.

    Fablapensador — 11-03-2006 15:03:13

  8. Bueno, pues con o tema de Nagore y CHA, sí, ya he bisto ixa foto y ye bien claro, pero a berdat ye que no tiengo guaire ideya d'istas cosas de politica tan interna ni de CHA ni d'as suyas relazions con Nagore.
    Prou que busatros en sabretz más.

    Charrabís — 11-03-2006 20:50:29

  9. Cambear a Nagore ye tan fácil como fer comestible un zaborro.

    Bernabé — 13-03-2006 12:51:57

  10. Siento no poder expresarme en aragonés ( espero que pronto ), pero es descorazonador observar como las diferentes facciones se dan puñaladas a diestro y siniestro. El que supedite nuestra cultura a sus intereses personales o de grupo debería irse de retiro espiritual y recapacitar. Flaco favor hacéis al aragonés y a nuestra tierra si no aportais de manera inteligente y sosegada vuestros conocimientos. Seamos sensatos.... porque lo que leo es desalentador. El tono es realmente pueril, poco serio. La discusión en el sitio adecuado.. y el respeto siempre. Au.

    carlos — 04-03-2009 19:11:13


Comentar



Recordar datos




LaInformacion.com lainformacion.com - Medio Oficial de los Premios Bitacoras 2009