:: O chemeco d'as parolas (en aragonés) ::

O chemeco d'as parolas (en aragonés)

Esmo: A fuella Reboluzionaria

Archibau en Notizias • Fecha: 07-03-2006 13:52:42

Chornadas desobedienzia informativa

esmo

Iste ye o numero 1 d'Esmo: A fuella Reboluzionaria. Feito por A enrestida.
Muitos de busatros ya la conoixetz, asinas que no en foi más presentazions.

He de deixar claro atra begada que iste blog no tiene cosa a beyer con garra tema politico, y que isto lo comento porque conzierne a l'aragonés nomás.

Grazias a Chuserra, que me ha dau a fuella, tos puedo contar o que ye y o que se i diz.

Ye feita en castellano y aragonés, y consta de tres seczions:
- Autibidaz
- Articlos
- Combocatorias

En "Autibidaz", se i comena que ya ye en a carrera o numero zero d'o Bandolero, un fanzine cultural, politico, literario, etc. Tamién quue se ye parando y se ba a fer o segundo Congreso de l'Aragonés, y bella cosa sobre una empresa "Verizan" y sobre a V marcha a la macrocarzel de Zuera.

En "Articlos", se i leye bels escritos como "A esclabitut cutiana", "Cans en a nuei", "Ochezión fiscal", "Chornadas desobedienzia informatiba". En iste zaguero se comenta que l'asoziazión cultural "A enrestida" fará d'o dí 15 a o 18 istas chornadas sobre os nuebos calzes de difusión d'a informazión.

En "combocatorias" s'informa d'a manifestazión en defensa d'as montañas, d'o II asalto contracultural, d'as Chornadas desobedienzia informatiba y d'a borina audizión Fendo Orella.

En resumen, una fuella mui interesant que, encara que prou politica, fa serbir l'aragonés en as suyas pachinas, cosa que ye d'agradeixer.

De paso, tos animo a entrar en a suya pachina web:
A enrestida.

Escrito por Charrabís
(0) Comentarios • (0) Referencias • Binclo pernanén