:: O chemeco d'as parolas (en aragonés) ::

O chemeco d'as parolas (en aragonés)

Resumen d'a parla de Villanueva del Rebollar de la Sierra

Archibau en Notizias • Fecha: 17-02-2006 16:02:25

Replegas lexicas que se'n podría fer en toz os lugars

libret

Grazias a la mía familia que siempre estan atentos a si beyer bella cosa ta yo, y en concreto a la mía tia Chonchita, qui me lo ha regalau, he puesto leyer a replega de lexico feita por Rosa Ascoz Lázaro d'o suyo lugar: Villanueva del Rebollar de la Sierra.
Editau por l'Asoziazión Cultural Santa Bárbara de Villanueva del Rebollar de la Sierra con a colaborazión de l'Ayuntamiento.

En a presentazión d'o libro, se i explica cómo s'ilusionón por replegar todas as parolas y frases d'o lugar, ya que charrar como éls charran no ye charrar mal, sino fer-lo con a suya propia traza.

Prou que lingüisticamén a luenga que charran ye castellano dialectal aragonés. Pero como toz sabemos, as caracteristicas que fan a o nuestro dialecto castellano diferén d'a resta son as constantes y fundas radizes que l'aragonés, en a suya perdida, ha dixau en él.

A parte prinzipal d'o libro ye o suyo bocabulario. Como ye de dar, ye o mesmo bocabulario, con as mesmas parolas y cuasi tot igual como se podría leyer d'atros lugars de Zaragoza y Teruel. Estanto ista zona (Cuencas Meneras, Gallocanta, Xiloca, Calatayut, etc.) un gran conchunto de parlas mui similars en cuanto a o lexico conserbau y as eboluzions foneticas más importans.

Resumen:
En cheneral, tot ye clabau a la resta d'o territorio, pero i hai cosas que cal recordar.

- Fonetica:
cadiera, bendemar, ruello, royo (eboluzións de yod aragonesa de tot).
carnuz, Alfalz (apocope de bocals zagueras).
cespede, güespede.
cepurro, curto.
chiringa.
cocollo, cocote, panto, paretano, pote (conserazión de xordas).
Enfoscar-se, esfollinar, fanega, farinetas, faz, filorcho, fosco, fuchina, fumatera, refitoliar (conserbazión de F).
flama, plegar (conserbazión de FL- y PL-).
malamén.
pijar, gemecar, jada, juagar, regirar, tajubo (castellanizazión de x y ch).
rader (conerbazión d -D-)

- Lexico:
chaminera, bolchaca, borbuz, enrebullar, erencio, esboldregar, cuacar, cuto, caler, espurniar, falsa, gambito, mercar, otre (iste tamién cheneral a tot o dominio de l'aragonés mediebal), paniquesa, ¿quiento?, rafe, rebordenco, zaga, zarrapita, en el inte, barrenau...

Bueno, aspero que d'istos treballos s'en faiga cada begada más. Ye un tresoro tamién mui importán ta la luenga aragonesa os repuis que i hai por tot Aragón.

Escrito por Charrabís
(2) Comentarios • (0) Referencias • Binclo pernanén

Referencias (URL para referencias)

Comentarios

Charrabís, qué pasaba con el tuyo blog? Tot el cabo de semana me daba error cuan i queriba dentrar. Ya eba ora que s'i podese tornar a dentrar.
Guineu — 27-02-2006 18:04:59
Pues no tiengo ni ideya. Fa un rato m'he enterau que ya funzionaba grazias a tú que lo has comentau en a Ziber!

No sé qué fer, igual me cambio de puesto y deixo bitacoras, porque estoi que fa masiadas errors y ista begada ya creyeba que eba perdiu tot.

Muitas grazias Guineu por estar tan fidel.
Charrabís — 28-02-2006 00:27:10