:: O chemeco d'as parolas (en aragonés) ::

O chemeco d'as parolas (en aragonés)

Entrebista en Sputnik

Archibau en Notizias • Fecha: 10-02-2006 23:46:10

A las 8:00 en o 102,1.

Sputnik

Maitín sabado 11 de febrero se m'ha imbitau a fer una chicota charradeta (bels minutos) en o programa Sputnik sobre a blogosfera en aragonés (conchunto de blogs en aragonés que existen en internet).

O programa Sputnik cuenta tamién con un blog, Sputnik, an que podez sentir y mesmo saber prebiamén os temas que se ban a tratar-ie. Asinas que lo podrez sentir encara que no sigaz por Zaragoza.

Yo (si me baga), miraré de charrar d'a istoria d'os blogs en aragonés, as suyas funzions y tipos, l'aragonés que fan serbir y a periodizidat con que s'escriben, amás de bel ratet d'a mía experienzia. Asinas que no será guaire interesán ni diré cosa que no sepaz.

Pero con tot y con ixo, si querez y podez, tos animo a que escuitez o programa (y no estar guaire criticos).

Escrito por Charrabís
(3) Comentarios • (0) Referencias • Binclo pernanén

Referencias (URL para referencias)

Comentarios

Cuan puga, t'escuito p'el rete, a bier si ñai que estirar-te las orellas p'el que aigas dito u no ;-)
Guineu — 12-02-2006 19:34:30
Ya ye penchau o programa en Sputnik. Bes-ie y siente-lo, que de seguro te cuacará. Amás te nimbié un saludet! aspero que no m'estires d'as orellas dimpués d'ixo...

A la resta, tos animo a que lo sintaz tamién. O locutor charra mui bien (y rapido) y as cosas que i cuenta fan onra de leyer-las.

Bueno, lo dizié en o programa y lo digo aquí: a blogosfera en aragonés tiene mui buena salut, asperemos que no pille garra muergo ni torzón y contine estando tan u mesmo millor.
A toz os que queraz fer-tos un blog, iste ye l'inte, animo!
Charrabís — 13-02-2006 00:54:53
Ayere de nueis te ba poder escuitar, Charrabís. Moltismas grazias p'el saludo (el tuyo y el d'el blogger-radier d'Sputnik), me ba fer molto gozo. La tuya analís d'els blogs tamién me ba cuacar, estigo d'acuerdo con tú. Ben, un saludet d'un blogger d'el seutor "pais" (ta "lolos", el cuco i altros; ta "fillos", guara y altros).
Guineu — 13-02-2006 13:04:05