:: O chemeco d'as parolas (en aragonés) ::

O chemeco d'as parolas (en aragonés)

Muita Chen (molta gent): un atro blog en aragonés

Archibau en Notizias • Fecha: 08-02-2006 01:16:43

A blogosfera en aragonés s'expande cada día

Si ayere tos contaba que un nuebo blog trilingüe (como Aragón), eba naxiu grazias a Fogaire; güe (y atra begada por meyo d'un comentario de Guineu en a Ziber) tos comento o nuebo blog de Óscar Latas. Uno d'os millors conoxedors de l'ambista istorico-lingüística (u como se quiera) de l'aragonés. Más que más d'a istoria de l'aragonés y o suyo mobimiento en o sieglo XX.

Iste gran treballador que, si ya en ha feito, encara ha de fer más estudios sobre l'aragonés; nos presenta un blog con un estilo sobrio. S
in capazidat ta fer-ie comentarios, pero con una riqueza cultural que fa goyo. Escribe en un aragonés mui zentral fendo serbir os rasgos más conserbadors y arcaizans, si bien con correczión y naturalidat (cosa que tiene muito merito, ya que, talmente, a chen que no se i fa, gosa fer un mezclallo de aragonés zentraloide dialectal sobre un alazet castellano de tot mirando de diferenziar-lo a más no poder d'o castellano y catalán).

O blog ye Muita Chen (molta gent) y he de felizitar a l'autor por aber-se leyiu tot o libro de "Vasconiae". En podría aber feito un articlo más gran...

Fa goyo que l'aragonés tamién tienga un puesto cada begada más gran en a blogosfera, y más encara con blog tan buenos como os que i hai.

Escrito por Charrabís
(1) Comentarios • (0) Referencias • Binclo pernanén

Referencias (URL para referencias)

Comentarios

Jolio charrabís, que tó lo tiens que chorrontar, pinchán!!... grazias. Continaremos.
Óscar — 08-02-2006 21:03:11