:: O chemeco d'as parolas (en aragonés) ::

O chemeco d'as parolas (en aragonés)

Clases ta millorar l'aragonés

Archibau en Notizias • Fecha: 28-01-2006 13:49:41

Charrada d'o berbo FER

foto
(En a foto, i salen Fernando fendo una "metafora" con una botella d'ordio chunto con Ibán y Enrique).

Ayer día 27 a las 7:30, en l'Asoziazión Cultural Nogará, se combidó a Fernando Romanos ta que i fese una charrada sobre o berbo "fer" en aragonés.

Tanto alumnos como profesors y sozios de l'asoziazión redescubrión os usos y as particularidaz d'iste berbo tan prolifico y importán de l'aragonés.

Fernando Romanos parló, en cheneral, de:
- Emplegos y significaus d'o berbo "fer".
- O "fer" como auxiliar
- Frases feitas con o "fer".
- Atras frases feitas de l'aragonés.

Duró cuasi tres oras y se potenzió muito a partizipazión d'os asistens.

A la fin, una mui buena iniziatiba ista d'as charradas ta millorar l'aragonés en l'asoziazión, y s'espera que se'n faiga más en bel tiempo.

Escrito por Charrabís
(2) Comentarios • (0) Referencias • Binclo pernanén

Referencias (URL para referencias)

Comentarios

Yo estié en ixa charrada y me cuacó asabelo perque Fernando nos amostró bellas cosas de l'aragonés a lo menos ta yo esconoxidas (belunas), muitas trazas que se fan con o berbo 'fer', atras tantas exprisions y bellas frases feitas. Pasamos un buen rato y mos fazió onra ta aprender mas cosas d'ista luenga
Enrichobentalto — 30-01-2006 21:26:11
charrada sobrebuena! Saper que o fer se fa serbir de tantas trazas y ta dizir tantas cosas mos aduya a conoxer millor a luenga.
Ta yo o más importán no estió o feito de conoxer os emplegos d'o berbo fer, sino más que más, saper que hemos de conoxer as frases feitas d'as bariedaz ta charrar un millor aragonés y no gosar de emplegar traduzions d'o castellano a l'aragonés.
Choben — 03-02-2006 14:23:48