Laburo España: 250.000 ofertas de empleo

Cabo d'Año

Archibau en Notizias • Fecha: 31-12-2005 13:52:49

Nueit de fiesta



Ista nueit, en Zaragoza, bels locals de parla aragonesa ubrirán as suyas puertas ta zelebrar o Cabo d'Año en aragonés.

Tanto Nogará como Dispierta Fierro y A Enrestida, dende a una d'a nueit, tos ufren un puesto an que chuntar-tos ta fer fiesta y charrar en aragonés.

Dende O chemeco d'as parolas tos deseyo un feliz año nuebo y que lo pasez bien ista nueit.

Escrito por Charrabís
(6) Comentarios • (0) Referencias • Binclo pernanén


Referencias (URL para referencias)


Comentarios

  1. Feliz año charrabís, muy buena la página y muy chula la foto de Santed.

    Enrique — 01-01-2006 16:20:57

  2. Yo acuso:

    O siñor Charrabis nos aconsella ir ta tabiernas fablans pero dimpués se'n ba a bailar reggaeton y os zaguers esitos d'Operazión Triunfo a tabiernas con brenca r¡lazión con l'aragonés.

    Dende aqui denunzio lo dople rasero d'este indibiduo y le reto publicamén a que desmienta las mías acusazións.

    En Zaragoza a 1 de chinero d'o 2006

    PD: jajajajaj buen año toz y buen año Charrabís!!!

    fablapensador — 01-01-2006 16:32:18

  3. Enrique, muitisimas grazias por as tuyas parolas!
    A berdat ye que no ye tan buena como ta afalagar-la tanto. A pachina ye mui simple, no i hai guaires moñacos, ni debuxos, ni opzions... En reyalidat ye un blog mui poco treballau en diseño. Nomás ixa foto ye a mía aportazión...
    Pero estoi que o importán ye o que se i escribe, que como no i hai meyos de comunicazión ni de notizias en aragonés y sobre l'aragonés (y tampoco no en i hai guaires sobre a cultura aragonesa, que tamién fa pena...) pues o importán son as notizias.
    Parix que iste blog se ye tornando en un puesto an que a chen se pueda enterar d'as notizias y comente o que quiera.

    Fablapensador, guarda si yes alparzero!!! Si bien tiens razón que iste año, por cuantos problemas, no he puesto fer o que he recomendau. A l'atro año miraré d'estar más coderén con a notizia. Y espero que tú en puedas fer un informe más faborable.
    Buen año a tú tamién, chafardero!

    Charrabís — 01-01-2006 19:27:45

  4. Pues yo estié en A enrestida y en o Fierro, ala. :P

    Chorche — 02-01-2006 22:18:41

  5. No ye por afalagar, Charrabís, pero a tuya pachina ye O MILLOR que bi ha en o rete en aragonés, seguntes o mío chudizio. Te deseyo que l'año
    que agora enzetamos premie o tuyo gran y desinteresato treballo con felizidá y un muntón de cosetas buenas.

    Y si como diz Fablapensador, antimás d'estraordinario periodista te cuaca asabelo a musica y bailas (siñals de gran intelichenzia), ya ye que yes completo y lo tiens tot, mozet...

    Te deseyo lo millor en o tuyo caminar.

    Chuan Chusé Bielsa — 09-01-2006 00:08:27

  6. Pero maño, como puez dezir-me ixas cosas en publico! Muitismas grazias, Chuan Chusé, a tuya pachina tamién ye mui maja!

    En aragonés i hai pachinas que tamién me fan goyo a yo: a que más ye Charrando.com. M'acuerdo d'unatra que se deziba A rebista que cuan yo prenzipié en o mundo de l'aragonés me cuacaba muito pero que ya no se fa. Que pena...

    O interesán sería que a chen fese más blogs, más pachinas, más cosas en intertet... A telebisión (Charranto TB) ye una buena ideya. Tamién cal una radio, una portalada de notizias (como bien me dizió un día Ixeya), bels chats, cursos d'aragonés por o rete... Pero tot isto, güe, l'aragonés parix que no lo puede tener: i hai poca chen y amás no guaire requesta.
    Si quiers datos, o mío blog l'atro día lo bisitón bellas 160 personas, pero ixo estió un día. Por un regular nomás zicuanta u sixanta lo fan.

    Yo tamién te deseyo o millor, muitas grazias por os tuyos afalagos!

    Charrabís — 09-01-2006 12:02:26


Comentar



Recordar datos




LaInformacion.com lainformacion.com - Medio Oficial de los Premios Bitacoras 2009