:: O chemeco d'as parolas (en aragonés) ::

O chemeco d'as parolas (en aragonés)

CharrandoTB

Archibau en Notizias • Fecha: 24-12-2005 17:44:01

Telebisions en o rete

Como beigo que ya s'ha feito ofizial, tos cuento una nobedat:

Naxe una telebisión a la carta que se fa en Internet y en aragonés. Se clama Charrando TB. En primeras, nomás i hai penchaus 5 programas, ye a saber:

1. Trache ansotano
2. Embun
3. Premio
4. Mirallo T.B.
5. A Ronda de Boltaña

S'espera que china-chana o numero de programas que se i penchen puye con atros de produczión propia (documentals, entrebistas u reportaches informatibos...) tanto d'o grupo que fa a telebisión como de colaboradors y de chen que quiera publicar os suyos bideos en aragonés.

Ye un prochecto ubierto, an que qui quiera i puede partizipar. Ixas personas que rematan de fer os estudios en aragonés d'as asoziazions, y no tienen cosa a fer, pueden, con una camara (u supermobil) y un micro, fer os suyos propios bideos en aragonés y nimbiar-los a ixa telebisión.

Si tenez una güela que charra en aragonés: lo nimbiaz; si conoxez a un nino que charraputeya en aragonés: lo nimbiaz tamién.
Si soz fendo un biache y podez grabar 5 minutez ta la telebisión dende Italia, Franzia u o que siga... Nimbiaz o bideo.
Tot.

Ye interesán que iniziatibas asinas no mueran, si podez colaborar, fez-lo.

Una telebisión en aragonés... un buen regalo de Nadal, sí siñor.

Charrando TB

Escrito por Charrabís
(7) Comentarios • (0) Referencias • Binclo pernanén

Referencias (URL para referencias)

Comentarios

Goyosa Nabidá ta tu Charrabís y ta toz os que feis güelladas por iste puesto.
Salú y fabla
default — 25-12-2005 02:38:01
Me parece una muy buena iniciativa,aunque lo ideal sería que Antena Aragón emitiese algunos programas en aragonés,que para eso es la cadena autonómica... Que pases buenas fiestas majo
Marina — 25-12-2005 14:16:03
Buen Nadal/Nabidat tamién a toz busatros.

Marina, a iniziatiba sí que ye buena, pero tiens razón que ixo teneba que fer-lo un ente publico, como en a resta de Comunidaz con luenga propia.
En Aragón, como somos asinas, por a luenga no se fa ni cursos de reziclau ta profesors. Y continan amostrando que l'aragonés (i hai casos que charran de "fabla" parlando de l'aragonés mediebal!!!) ye muerto y bien muerto. Dizen cuatro cosas como ixo d'a F inizial, conserbazión de cl, pl, fl, y arcaismos y prou. Ni sisquiera saben o nombre d'os dialectos bibos ni de literatura en aragonés patrimonial.

Bel día cambiarán as cosas, pero ta ixo toz emos de fer propaganda y dibulgar l'aragonés.

Blogs como ixos que tenez en binclos, y iniziatibas como ista d'a telebisión u a rebista Espiello fan buena labor, pero cal millorar.
Charrabís — 25-12-2005 17:15:40
Plego de fer una golladeta a charrandoTB y m´ha gustau asabelo! Sobre tot iste documental sobre Embún (ye Embun no?) an que emplegan l´aragonés local, que nunca no eba sentiu dica güe. Son trazas de que a chen conoxca l´aragonés, pare cuenta que bibe, y que si bibe se puede aprender y charrar, ta que biba una mica más. A maquetazion se puede ir millorando, os contenius de pistón! A berdat que nunca no he pillau una camara de bideo, pero si bel dia tenese cualque cosa interesán a grabar abre d´aprobeitar iste nuebo meyo que tenemos os aragonesofonos :D

Felizitazions a qui a empentau charrandoTB, y a tú tamién, charrabis, que nos proporzionas otro meyo ta comunicar-nos en aragonés.

Saludos, y buen nadal.
ixeya — 25-12-2005 20:16:04
Beigo que han cambeau ta charrandotb.com ;)
Chorche — 27-12-2005 12:54:11
Por cierto,ya que he leido lo de la Ronda de Boltaña no me resisto a señalar que su canción "El país perdido" (sobre Sobrarbe)me encanta...
Marina — 27-12-2005 23:38:49
Bi ha una bersión en aragonés de la canta de la Ronda de Boltaña " O país perdito " del grupo mosical ESFERRA y ye en o suyo disco PORQUE AGORA YE NUNCA y en atro que se fació entre barios grupos mosicals que se clama ¡ A IXENA !
default — 15-01-2006 02:36:58