:: O chemeco d'as parolas (en aragonés) ::

O chemeco d'as parolas (en aragonés)

Espiello

Archibau en Notizias • Fecha: 22-12-2005 12:00:27

Rebista d'autualidat de raso en aragonés

Espiello

Ta si no la conoxebaz, ista ye una rebista que fa Nogará (una asoziazión que amuestra aragonés) en Zaragoza.
Ye una rebista que gosa tener textos, notizias, reseñas, y treballos sobre l'argaonés. A luenga que se i fa serbir ye l'aragonés común y tamién cuenta con seczions en aragonés dialectal (que siempre fa muito goyo de leyer).

Ya fa 4 años dende que se prenzipió a fer, y cada begada ye millor feita.

Bueno, pues ya podemos leyer o quinzeno numero Las lluengas del cristianismo. Ya fa bels días que salió pero dica güe no lo he puesto tener.

Ista begada i amanixen:

- O branquil: Con l'anunzio d'a combocatoria d'o Congreso.
- Breus d' luenga: con notizias d'a luenga aragonesa.
- Notizias d'Aragón: o mesmo pero d'Aragón.
- O coral d'as saleras: En Monegros i hai un tipo de coral!
- Auschwitzt-Oswiecin: Os cados d'a memoria: Campos de conzentrazión nazis, a istoria de Jozef, y recuerdos que fan pena.
-Las lluengas del cristianismo: Seguimiento d'as luengas dende o cristianismo.
- Mapa a toda pachina d'a comarca de Alto Galligo en aragonés: Bien majo.
- Shereen Barakat, ziudadana palestia de Cherusalén Este: reflexions que tos farán pensar-ie.
- Beiclos d'idrocheno: yo ya en quiero uno.
- Comentarios de zine, discos y libros.
- Ganador d'o concurso de prosa en aragonés A Enrestida: Allberto Lamora, un relato buenismo.
- A chugar, a leyer: ta ninos y no tan ninos...
- A negazión en aragonés: usos que siempre cal correchir y dibulgazión d'os estudios lingüisticos de l'aragonés. Ye una d'as partes que m'estimo más d'o Espiello.

Y prou.

27 fuellas que tos farán onra.

Escrito por Charrabís
(10) Comentarios • (0) Referencias • Binclo pernanén

Referencias (URL para referencias)

Comentarios

Conduze-te agora a O Espiello y colabora en a espardiura de l'aragonés (5 euros / 4 lumers).
Nimbía os tuyos datos ta l'Asoziazión Cultural Nogará trestallo postal 4.141 - 50.180 Zaragoza, u a trabiés d'o correu eleutronico asoziazion@nogara-religada.org
mereix la pena.
default — 22-12-2005 21:21:35
Jajajaja, default, lo he leyiu y parixeba uno d'ixos anunzios de "teletienda". Un poquet más y a los primers 50 apuntaus un chuego de mantas de regalo, y con a tarcheta de compra d'o Corte Inglés te fan 10 € de rebaxas!

No, en beras, me parix mui bien que lo comentes. Como ya sabez, as asoziazions que luitan por l'aragonés cada día tienen menos subenzions y istas chicotas cosas son as que les fan ir enta debán.

Por zierto, un tema que quereba charrar bel día, o tema d'a publizidat en aragonés. Ye que a yo me faría goyo de beyer de cabo cuan publizidat en aragonés, asinas que si tos fez publizidat d'as buestras botigas u productos en un chicot banner, y me la pasaz y m'amostraz a penchar-la en o blog, yo la pondría en primeras. Como nobedat. Pero ye nomás una ideya, porque asinas parixería que l'aragonés tamién se puede fer serbir en atros temas que no os de siempre.

Lo dito, ya me contarez as opinions, que ye o bueno d'os blogs.
Charrabís — 22-12-2005 21:54:49
En a zaguera pachina d'a rebista Espiello nº 12 d'ibierno de 2005, posa ista mesma informazión, "la he copiado" jejeje, s'ha notao muito ?
T'en remeras que no se charrar en aragonés ?
default — 22-12-2005 23:57:25
No, no, no s'ha notau guaire. Yo no i eba parau cuenta.

Y nino, tampoco no m'acordaba que no sabebas charrar... Yes aprendendo, u aprendiés fa tiempos, u autodidacta u que?
Charrabís — 23-12-2005 00:44:25
Pos yo en o supermercado ALVI crompo un lamín que se clama "treneta", una coca, e amanixen os ingrediens e tot lo embase NAMÁS en aragonés...
mialca — 23-12-2005 08:12:22
Mialca, no será ista?

http://chemecos.bitacoras.com/archivos/2005/07/07/...

Ye una notizia que fazié ta par de chulio, encara no me leyeba denguno.
Charrabís — 23-12-2005 12:04:38
profes, yo dende que la bide no crompo atro lamín...e si puyas enta Chaca , restaurán A cadiera, menú, mosica, siñalizazion, trato e tot en aragonés...
mialca — 23-12-2005 20:00:59
Yo soi "l'ombre", como diz en a notizia de chulio, que trobé a treneta. La merqué en una botiga en Fraga.
Tamien he trobau en L'Ainsa atro lamin con os ingrediens en Aragonés ... y en castellano.
Asinas que creigo que tenebamos que fer una rilazión con os puestos an se puede mercar en nuestra luenga.
O pelau — 24-12-2005 17:16:49
Ombre, Pelau!! ya m'has leyiu!
No sabes a zena que te perdiés l'atro día...

Nino, si quiers le fas una foto y la pencho en o blog!! Qué lamín ye?
Ya nos contarás.

Abrá guaires cosas con os ingrediens o instruczions en aragonés? No sé yo...
Charrabís — 24-12-2005 17:28:24
L'atro diya algú charraba d'un ristorán a Chaca, la direzión d'o rete ye ista :
http://www.jaca.com/lacadiera/lacadie.htm#dentrantes
default — 25-12-2005 22:10:23