:: O chemeco d'as parolas (en aragonés) ::

O chemeco d'as parolas (en aragonés)

Libro a regalar por Nadal

Archibau en Notizias • Fecha: 15-12-2005 18:37:24

Ta qui no pueda comprar-lo en librerías

Libro

Ya se puede comprar por internet o libro que se presentará o sabado 17 en Bielsa a las 19:30 feito por Chabier Lozano y Ánchel Loís Saludas, clamau:
Aspectos morfosintácticos del belsetán (aragonés del valle de Bielsa).

Yo en he bisto bella parte y cuan pueda (y remate a ringlerota de libros que tiengo por leyer), me lo leyeré. A berdat ye que caleba un estudio asinas d'una d'as bariedaz más puristas de l'aragonés, o belsetán.
Felizidaz a los escritors/imbestigadors por iste magnifico treballo, espero que en faigaz atros iguals o millors que iste.

O libro se bende en a Instituzión Fernando o Catolico. En l'apartau "Nobedaz editorials" lo trobarez o primero.

O prologo ye de Brian Mott, una d'as personas que más ha estudiau l'aragonés en bibo, y uno d'os millors conoxedors d'o chistabín.
Ha feito articlos mui interesans como un estudio d'o berbo "estar" fendo comparanza con as bals de Bielsa y Chistau.

Me parix que Brian Mott tamién eba feito un libro (u lo yera fendo) clamau Voces de Aragón con una triga de archibos de soniu y transcripzions y estudios, pero no lo trobo por garra cabo. Si en sabez cosa busatros, ya m'abisarez.

Escrito por Charrabís
(0) Comentarios • (0) Referencias • Binclo pernanén