:: O chemeco d'as parolas (en aragonés) ::

O chemeco d'as parolas (en aragonés)

Nota de prensa de Ligallo

Archibau en Notizias • Fecha: 13-12-2005 13:44:41

Omenaches Arredol d'a Luenga Aragonesa

fablans

Tos copio a nota de prensa que Ligallo ye nimbiando ta informar-nos de l'omenache que se fará iste sabado. O día y o puesto ye o mesmo d'a reunión de Chuntos. Asinas que si querez, podrez ir a ambas.

Nota de prensa:

O benién diya 17 d'abiento en La Sarra, San Chuan de Plan, a las 19: 00 oras, Ligallo de Fablans de l'Aragonés zelebrazá os 9enos. Omenaches Arredol de la Luenga Aragonesa, adedicatos á presonas e istituzions destacatas en a esfensa, espardidura u desembolique de a luenga aragonesa.

Contaremos con a charradeta de Roberto Serrano "As mullers d'a Bal de Chistau". Se zarrará l'auto con una audizión de La Orquestina del Fabirol.

Ista añada s'entregarán á Nieus Luzía Dueso por a suya trayeutoria literaria en aragonés chistabín y a o Corro d'es bailes de San Chuan por a suya faina de recuperazión de a cultura popular y de a luenga aragonesa en a Bal de Chistau.

De a obra poetica de Nieus Luzia Dueso destaca "Al canto'l Zinqueta: poemas chistabinos", pero lo más importán de as obras suyas ye a recullita de leyendas populars de a bal de Chistau y a suya recreyazión narratiba, como "Leyendas de l'Alto Aragón" y a zaguera obra "La Fuen de la Siñora". Ganadera en 1982 d'un onso d'oro en o Primer Certamén Literario "Val d'Echo", con a "Leyenda del siñó de San Chuan".
Ha publicato lumerosos articlos en rebistas como Argensola y Fuellas rilazionatos prenzipalmén con cuentos y leyendas de tradizión oral, pero tamién nobelas curtas.

Reyalmén, lo eszeuzional de O Corro d'es bailes de San Chuan de Plan no ye o suyo treballo, sino que con 40 componens de una localidá de 160, no ye una colla sino que un pueblo entero qui baila. En bente añadas han sabíu rescatar un conchunto cultural popular que encara perbibiba en a memoria coleutiba. Por ixo, güe San Chuan cuenta tamién con un museyo etnografico de gran riqueza, un biello molín (El Molín) y una antiga serrería (La Sarra).

Han autuato en Aragón, a resta d'España, Franzia, Olanda, a Republica ecs-sobietica de Tadjikistán y Eslobaquia.
San Chuan de Plan ye uno d'ixos cada bez más escasos lugars an que l'aragonés contina estando luenga común entre a chen.

Roberto Serrano ye sozio de Fablans, miembro de La Orquestina del Fabirol y una presona alazetal en o mobimiento cultural de o Sobrarbe, espezialmén en a Bal de Chistau.

Más informazión: Feliziano Martínez, 976.35.62.53, 610.353.835.

Una zaguera nota:
Parix que en una d'as notas que m'han pasau se i diz:

"Bi cambeo d' ora . En begada d' as 19 oras ye a ras 15 oras"

No sé si ye fiable (tanto por l'aragonés como por a informazión que cuenta), asinas que si i hai beluno que sepa, a la fin, si en cuentas d'estar a las 19 h ye a las 15, que lo diga.

En a suya pachina a ora contina estando "a las 19:00".

Escrito por Charrabís
(3) Comentarios • (0) Referencias • Binclo pernanén

Referencias (URL para referencias)

Comentarios

Quiestos amigos:
Parixe estar que, a la fin, caldrá fer os Omenaches Arredol a ras 17 oras...

Un abrazo,

Francho Beltrán

loquesé — 13-12-2005 14:48:26
Grazias, Francho, por a informazión.

Quedamos pues que ye a las 17h en San Chuan de Plan, si as cosas no cambian, porque estoi que ixe día i abrá muito quefer en ixe lugar.
Charrabís — 14-12-2005 09:59:52
Un camton de cosas un mesmo diya y meses sin fer brenca autibidat.
Como diziba Rafel Andols

¡Asi somos, asi fuimos!
Fablapensador — 15-12-2005 23:42:32