:: O chemeco d'as parolas (en aragonés) ::

O chemeco d'as parolas (en aragonés)

Resumen d'a mesa redonda d'o miercols

Archibau en Notizias • Fecha: 01-12-2005 20:04:41

Lei de Luengas en Aragón

fnac

Fancho Nagore fazió un repaso cronolochico dende os años 70 dica güe con o tema d'a normatibizazión de l'aragonés.
Se partió dende zero y se fazión os primers intentos d'estandarizazión con o congreso, con una grafía temporal unificada que serbise como una primer ferramienta, con un Consello Asesor y con recopilazions de lexico.

Tamién un repaso sobre as aczions que s'eban feito dende l'Administazión, de premios literarios y bueno, nomás d'o mobimiento asoziatibo con o exemplo d'o Consello. Pero, ta qui no lo sepa, dende iste blog informamos d'a existenzia d'atras asoziazions tamién importans.

Quedó claro que cal que se faiga un marco legal y churidico, aczión que ya se biene reclamando dende atras instituzión como d'a Unión Europea.

Tamién se fazió un repaso por os diferens intentos de fer una Lei de Luengas, ya dende 1985 (en fa 20 años) cuasi toz os beranos dizen que en farán una.
En han feito, de propuestas, de todo tipo, dende as más solidas y aceptables ta l'aragonés, dica as más esbafadas. De toz os gustos y as colors. Isto ya ye como "personaliza a tuya Lei de Luengas, iste año oferta espezial d'un debanproyecto con posibilidat d'estar notizia en Heraldo"... (perdón por as ironías).

A oferta d'iste berano yera dezir que se faría ta par de septiembre, que se filtraría o conteniu en a prensa, que se sondearía a la soziedat, que nos farían contentos bels meses con a miel en a boca, y dimpués fer como que no, como que yera de chanzas. A tipica broma de toz os beranos...

Repasón o conteniu, como a no coofizialidat de l'aragonés y catalán pero sí considerazión de luengas propias, a boluntariedat d'aprendizache, a normatibizazión, etc.

Comentón que en Curriculum aragonés se menzionaban istas luengas, y a suya proteczión. Pero digo yo: isto lo fa serbir algun instituto? tiene bella repercusión?
No sé, si lo sabez busatros, informaz-me-ne.

Mario Sasot comentó tamién o que s'eba feito dende l'ambista catalana, dixó claro que i eba una reyalidat d'amostranza, pero que caleban politicas d'apoyo. Recordón que os parlans patrimonials tienen o suyo DREITO a fer serbir a suya luenga, y no s'entiende qué ha puesto pasar ta que s'ature (atra begada) o prozeso d'a Lei.

Recapitulando:
Castellano: Apoyo interior y exterior.
Catalán: Apoyo exterior y una mica d'interior.
Aragonés: ni apoyo exterior ni apoyo interior. Ni luenga normalizada, con un prozeso encara prenzipiando ta cambear as cosas de radiz (que suposo que se fa ta ixo, no ta dixar as cosas como son), ni luenga normatibizada, ni cosa de cosa...

Ta maitín, a notizia optimista, serán unas chicotas reflexions de Fernando Romanos sobre o treballo que fazión tanto él como Fernando Blas en Pandicosa. A entrebista con Fernando Blas estoi que se publicará una mica más enta debán.

Escrito por Charrabís
(2) Comentarios • (0) Referencias • Binclo pernanén

Referencias (URL para referencias)

Comentarios

Atra notizia positiba: un mapa en
http://www.consello.org/mapaag.htm
alto galligo — 02-12-2005 20:51:11
Muitas grazias por a notizia, he mirau de meter-lo en o blog ta que se i beyese, pero encara no he puesto. Ya lo tornaré a intentar.

M'ha encantau o mapa, ye bien majo, senzillo, de buen entender y mui fresco. Una pregunta, no tos animaz a fer-ne unatro pero de tot Aragón?
Charrabís — 03-12-2005 12:07:59