:: O chemeco d'as parolas (en aragonés) ::

O chemeco d'as parolas (en aragonés)

Buscador mediebal

Archibau en Notizias • Fecha: 29-11-2005 21:45:20

Una mica de perspectiba istorica nunca fa mal a la nuestra luenga.

RAE

Si bien a "Real Academia Española" no ha feito cosa buena por l'aragonés, si que en istos días d'informazión globalizada nos presta una funzión que nos fa onra.
En a suya pachina web tenemos un buscador que troba, en o corpus istorico que i hai, cualsiquier parola que le digamos.

Qué podemos buscar-ie?
De tot. Porque no nomás i hai textos en castello; tamién i hai textos en catalán, occitano, portugués, gallego, asturiano, aragonés...

Yo a berdat ye que me paso tiempos y tiempos buscando por ixe corpus tan amplo.

Tos trobará parolas en textos de Fernandez de Heredia (o gran compilador aragonés, comparable a Alfonso X), cartas reyals, d'a corte d'o Chustizia de Ganaders d'Aragón, Ordenazions de Zaragoza, Balbastro, etc.
Una barbaridat, y un aragonés mediebal que podrez leyer mui bueno, con una grafía tamién polidisma.
Ixo sí, tos tenez que acordar que abrez de buscar con a grafía mediebal aragonesa, no pas con ista grafía "trentañera".

Asinas:
güeito ye hueyto,
güello ye huello,
ziudat ye ciudat,
doze ye dotze,
soz ye sotz
debán ye devant,
berdat ye verdat
beyer ye veyer,
año ye anyo,
piet ye piet
nueit ye nueyt,
leit ye leyt,
Chuan ye Johan
...

Todas ixas parolas las podez buscar, y prou que en trobarez más.
Pues ixo, tos dixo con ista marabillosa ferramienta, espero que tos faiga goyo y que i trobez alfayas d'a Edat Meya, que en aquels tiempos l'aragonés sí que teneba fuerza, poder y bitalidat por tot Aragón y parte d'a peninsula.

Entraz en:

Real Academia Española

Escrito por Charrabís
(3) Comentarios • (0) Referencias • Binclo pernanén

Referencias (URL para referencias)

Comentarios

Bestial! Qué troballa, Charrabís! No sabeba yo que tenisen ixo en la pachina de RAE.
Guineu — 30-11-2005 15:42:46
¿Panispanico? Y dimpues se espantarán d'o termino pancatalan....
fablapensador — 04-12-2005 17:41:56
Uauuu, me pasaria oras rechirán per astí, perque te'n puez sacar uns textos ben pinchos.

Un traste util, si siñor.

esparver — 14-12-2005 20:28:56