:: O chemeco d'as parolas (en aragonés) ::

O chemeco d'as parolas (en aragonés)

El aragonés hablado en el Alto Aragón: del bilingüismo diglósico a la sustitución lingüística

Archibau en Opinions • Fecha: 27-11-2005 01:43:06

Chemecando cada begada más

En l'articlo feito por Fancho Nagore clamau: "El aragonés hablado en el Alto Aragón: del bilingüismo diglósico a la sustitución lingüística", podremos trobar una analis mui azertau d'o prozeso de castellanizazión y sustituzión de l'aragonés en a nuestra tierra, más que más en o norte d'Aragón.

[Parte pesimista]

Fa pena, pero cal reconoxer, que encara que cada día se troben más puestos an que charra aragonés, y de cabo cuan pleguen notizias de lolos que encara conserban a luenga en lugars perdius; isto s'amorta, que a luenga ya nomás chemeca antes d'a muerte. Os ninos ya no lo gosan charrar, y nomás quedan bellas "irreductibles aldeas galas" an que podemos creyer que no se perderá por un tiempo.

Si a ixo chuntamos que os nuestros politicos no fan o que cal, y que a soziedat aragonesa ni reclama ni cudia o suyo, tenemos ixe articlo de Nagore. Un articlo que remata con a reyalidat: Siñors, l'aragonés se muere.

[Parte optimista]

Uf... no sé... mui mal ye a cosa.

[Parte mui mui optimista]

Encara no se ha muerto, encara i hai ninos, encara i hai chen que lo sabe y que lo quiere charrar, encara podemos, entre toz y sin luitas internas, toz chuntos, salbar l'aragonés.
En as ziudaz, i hai chen que lo aprenden, en os lugars se fan diczionarios, estudios, obras literarias, en bellas administrazions se i fan por l'aragonés...
Y encara i hai chen que se resiste a perder-lo y dixar-lo morir (como o escritor d'istas linias y os lectors que las leyen).

A la fin, l'aragonés ye bibo sin leis de luengas, sin estatutos, sin mezenas, sin apoyos, sin diners, sin chen, con os lugars espaldaus, con muitos sieglos dezaga... pero encara ye bibo y encara i hai chen que lo charra. Por ixo cal chemecar. An que s'ha perdiu, recuperar. An que se ye perdendo, conserbar y estudiar. An que se charra: guardar y millorar. Ixo cal fer. Si s'ha puesto fer dica agora, encara i hai futuro.

ENCARA

Escrito por Charrabís
(2) Comentarios • (0) Referencias • Binclo pernanén

Referencias (URL para referencias)

Comentarios

Me ha gustado verlo escrito, jamas he oido la lengua. Es parte de vuestra identidad, no dejeis morir vuestra lengua.
Chiringui — 27-11-2005 02:09:33
Ye pro difizil trobar literatura gris pro-aragonés. Literatura gris no ye un achetibo calificatibo d'a suya calidat, sino que fa referenzia a totas ixas ponenzias, chiquez estudios que se presentan en congresos, chornadas etz y que no se publican en libros.
Me pienso que Nagore podría aber feito más imbestigazión en estes toz años y que s'ha adedicau de tot a la reibindicazión.

Paraz cuenta que dende dixó d'estar presidén d'o CFA ba animar-se a publicar o libro de l'aragonés meyebal y que gosa dende allora d'ir a congresos, chornadas, cursos de berano... Asinas que agora igual prenzipiamos a conoxer a o Nagore que toz nos ese cuacau.

Esta literatura gris ye muito importán en o mundo zientifico, ye a chiqueta imbestigazión que ba-se amogolonando y que a la fin tiene o peso sufizién ta fer publicazions que digan bella cosa nueba difueras de los que diziba "El aragonés identidad y problematica de una lengua" de 1977, un libro que pude a biello y encara ye l'unico que podemos zitar dende o punto de bista sozilinguistico (y lo que os demás nos zitan en ixes congresos ta esprestichiar-nos y mesmo fer-se-ne a mofla).
fablapensador — 27-11-2005 15:21:53