:: O chemeco d'as parolas (en aragonés) ::

O chemeco d'as parolas (en aragonés)

Achenzia española de l'ISBN

Archibau en Opinions • Fecha: 20-11-2005 16:53:37

Fendo cuentas con os libros en aragonés

Ministerio de cultura

En ista pachina podrez beyer toz os libros que s'han publicau en España con os suyos datos y con os parametros que busquez.

An que diz "Luenga publicazión" cal esleir l'aragonés, y ya a buscar.
tos amanixerá a lista de libros publicaus en aragonés dende 1972. Fan 255 documentos.
Si querez ordenar-los por año de publicazión, beyerez que en o 2005 se'n han publicau 11; en o 2004, 17; 19 en o 2003, etc...

Si femos comparanza con atras luengas, podemos fer-nos tristes.
Libros editaus en España dende 1972:

- Aranès: 86
- Aragonés: 255
- Asturianu: 1.149
- Valencià (?!): 8.460
- Galego: 21.477
- Euskera: 22.942
- Català: 116.195
- Castellano: 1,088.474

Ya sabez, a escribir (y bien) en aragonés, que ye luenga culta como a resta.

O binclo d'a pachina ye:

Achenzia española de l'ISBN

Escrito por Charrabís
(7) Comentarios • (0) Referencias • Binclo pernanén

Referencias (URL para referencias)

Comentarios

Atra ferramienta :

En a pachina http://www.finestrabatalera.tk/ y en a sezion d'enrastres ha un programeta clamau TradWordAra que nos permite treballar amb o programa Word y menús n'aragonés (punchando en o tetulo podrás escargar-lo, amás es de baldes) esta mui majo y bien fazil d'instalar-lo. Es feito por Juan Pablo Martínez Cortés : http://diec.unizar.es/~jpmart/personal/ que a más tamién es una pachina intresán de besitar-la. Si consideras que ye intresán el programeta de seguras que podrás fer-le " propaganda" en o tuyo blog.

Salú

default — 20-11-2005 18:21:01
Perdón, en la sezión enrastres NO, calia dizir ESCARGAS
default — 20-11-2005 18:25:15
Muitas grazias, Default, por os tuyos comentarios.
Iste programa, TradWordAra, ya lo eba feito serbir antes y me parixe una mui buena ideya. Fa dos u tres años, Daniel Martínez me dixó iste archibo ta que fese ixo que me dizes, y ta par d'alabez ya lo beyeba como una nobedat.
Prou que en faré publizidat. No i eba pensau. En bel par de días faré una notizia con ista chicota soluzión ta Word.

Agora, beigo que en l'aragonés tenemos problemas serios d'adaptazión d'os terminos tecnicos. Espero que l'Academia, cuan se faiga, apañe iste embordiello.

A pachina de Juan Pablo ye mui bien, no la eba bisto nunca. Tamién la comentaré bel día, grazias.
Charrabís — 20-11-2005 23:31:35
Epa..l'atro diya en a libreria me demanoron libros en "fabla"!! Estando que a mia libreria (millor dito, a libreria an triballo),ye en Barzelona, cuasi ploro, jeje. Por zierto, sabes os datos d'o libro d'os nombres? ISBN, editorial e asinas? Ye ta demanarlo en a libreria e que bi'n aiga nombres en aragones que ya en tenemos de bascos, galegos e profés catalans.
Chorche — 21-11-2005 12:01:26
Pos la editorial ye Gubierno de Aragón...
Un nombre para ti — 21-11-2005 12:47:39
Pues ombre, sí que ye curioso sí. Yo no me lo creyeba cuan conoxié a Ferran Marín, ixe mesache de "O Limaco Edizions" (http://www.limacoedizions.com/) que yera de Tarragona y escribiba en aragonés...

Os datos d'o libro que dizes son:

Alcover i Pinós, Mª del Carmen. Un nombre para tí. Índice de nombres propios, Zaragoza: Departamento de Educación, Cultura y Deporte del Gobierno de Aragón.
Sepósito legal: TE-138-05
L'ISBN no lo he puesto trobar, ye posible que no lo tienga?

Que bendas muitos libros más en aragonés!
Charrabís — 21-11-2005 13:31:36
>en o 2005 se'n han publicau 11; en o 2004, 17; 19 en o 2003, etc...

No, si a'l remate cuasi cuasi será berdat ta l'edizión en aragonés la sanselada de Manolito, que creyeba que un libro beniba a ser como un telebisor u una nebera.

Manolito: ¿Qué le regalaste hoy a tu mamá en su día, Mafalda?

Mafalda: Un libro.

Manolito: Andá... En serio, ¿qué le regalaste?

Mafalda: Pero, ¡en serio que un libro!

Manolito:¡Un libro, sí!.. ¡Ahora resulta que yo soy tonto! ¿Te crees que no sé que tu mamá ya tenía?
(Quino, Mafalda 6, México: Promexa, 1984, sin página).
Guineu — 21-11-2005 13:42:56