:: O chemeco d'as parolas (en aragonés) ::

O chemeco d'as parolas (en aragonés)

Telebisión aragonesa

Archibau en Notizias • Fecha: 14-11-2005 21:35:48

Una iniziatiba bien buena

Encara que ya sé que foi tarde y que toz la abrez bisto, tos cuento que ha naxiu una telebisión aragonesa que se fa nomás por internet.

Se clama Medianet TV.net, y ye "a primer telebisión aragonesa a la carta en internet".
Fazión a primer notizia o día 11 dende a laguna de Gallocanta (buena ideya fer-lo en un puesto como ixe).
En a suya pachina podrez trobar dende ya bideos y documentals d'as comarcas d'Aragón y reportaches con informazión d'a fauna y flora s'ista tierra.

En primeras, mirarán de prenzipiar con notizias de naturaleza y ecolochía, pero dimpués ya irán fendo matierials d'atras custions.

La beigo una ideya chenial que tamién se podría fer serbir ta amostrar l'aragonés y espardir-lo por iste rete. No sé si éls querrán, pero si beluno les ne proposa...

Bueno, o tema ye que una marabillosa ideya, aspero que tiengas muito futuro y que baigan millorando-la.

A suya pachina ye:

www.medianettv.net

Escrito por Charrabís
(1) Comentarios • (0) Referencias • Binclo pernanén

Referencias (URL para referencias)

Comentarios

Me he informau un poquinín d'esta TB. Parix que ye una iniziatiba d'o moltifazetico Dionisio Sánchez que ha aconseguiu es diners ta fer-lo "engañuflando" á o consechero de medio ambién d'o Gobierno d'Aragón., per ixo fa ixes reportaches sobre naturaleza perque es diners prozeden d'esto.

Si l'esen dau es diners d'atro puesto ese feito es documentals sobre o tema de qui l'ese dau es diners.

Este presonache, prou maduret ya, encara bibe d'as subenzions (sacando-ne a muitos atros que son prenzipiando) y me pienso que l'unico programa que fería sobre l'aragonés sería ta esprestichiar-lo u fer-se-ne a mofla. Ye el tipico progre antifabla.
fablapensador — 15-11-2005 09:39:04