:: O chemeco d'as parolas (en aragonés) ::

O chemeco d'as parolas (en aragonés)

Grafía antisistema

Archibau en Opinions • Fecha: 14-11-2005 14:25:53

Un exemplo más

Qué curioso ye ubrir o periodico (ista begada Heraldo) y trobar-ie una foto con una pancarta an que se fa serbir a mesma grafía que nusatros en a nuestra luenga.
Ixo gosa pasar cuan s'aplican grafías como istas, antisistema de tot, que en cuentas de dignificar, fan que a chen se'n rida d'a luenga.

En a pancarta se diz:

"Zapatero grazias a tí boi ha ser lizenziado¡¡"

A que lo beyez y parixe aragonés encara que no'n siga?!
Recordemos que en a grafía ofizial actual de l'aragonés ixa frase ye:

"Zapatero, grazias a tú boi a estar lizenziau!!"

Lingüisticamén i hai prous diferenzias entre la una y l'atra frase, pero graficamén nomás en i hai tres: a coma dezaga de Zapatero, a H de "HA" y as exclamazions (a resta d'a grafía sí que ye igual a la de l'aragonés actual, no pas mediebal). Caldría pensar-ie más y fer reformas fundas en o sistema, pero bueno, "yo acataré ordens".

Fueras d'ixo, m'opongo de tot a los manifestans y a lo partiu y instituzions combocans.

Escrito por Charrabís
(5) Comentarios • (0) Referencias • Binclo pernanén

Referencias (URL para referencias)

Comentarios

Acatar ordens lo menos posible!! Nomas aquellas con as cuals seigamos d'acuerdo. Ista notizia tan maja me recuerda bella faina que i hai por asti....

Chuntos por l'Aragones.... encara que les joda!!

Un saludo.
ixeya — 14-11-2005 20:13:35
Cuan quieras se continará a faina.
Charrabís — 14-11-2005 23:54:09
Fote! Asinas que, senguntes tu, o feito d'estar anti-sistema fa que a chen se'n arriga...
Ixa frase, analizada psicoloxicamén, ye asabelo trista, eh! Implica que t'alticama o que piense "a chen" (u siga, en iste causo -y en cheneral- una ramada de mardanos sin conoximiento de o que fablan); implica que creyes que ir contra o sistema ye ta arreguir-se-ne (muito riboluzionario, no?); y tamién implica que, ta tu, o millor ye aconformar-se a o que o sistema dize (asinas no s'arreguirá la chen de tu).
En fin, quizau ta tu sigan razons de peso...; pa yo, ye una postura penible (y que esplica muitas cosas que nos pasan en iste pueblo).
A yo, en reyalidá, m'has dau una razón más ta esfender ista grafía y mesmo depurar-la de fateras etimoloxicas (u "sistematicas", seguntes tu). Grazias.
Psicoloco — 21-11-2005 21:53:53
PsicoloCo??? Psicologo más bien. Ya podrían estudiar y dejarte de meter en cosas que no tienes ni idea. Otro que mezcla la moda de escribir con Z y K con cuestiones de la lengua.
lingüista — 22-11-2005 15:29:34
Bueno, ya me pensaba cuan escribié iste comentario que igual i eba problemas por fer-lo... Yo nomás quereba contar a impresión que tenié cuan leyé en ixe cartel una grafía chermana de l'aragonés actual nomás dende fa 30 añadas.

Prou que yo no me'n rido. Como beyez acato ixa grafía ofizial y escribo con ella en o mío blog, encara que no me la creiga ni la beiga como una ferramienta que faiga bien a la luenga.
No quiero que o problema d'a grafía faiga rayas ni mugas entre nusatros, ixo sí que ye de fatos. Ye un tema que caldrá charrar, no dende posturas radicals u inamobibles, sino pensando en o bien d'a luenga.

No entiendo qué razons t'abrá dau o mío comentario, Psicoloco, para rebindicar más encara ixa grafía, pero aspero que nos las cuentes (por fabor, si lo fas, fe-lo con respeto).
Charrabís — 22-11-2005 21:15:33