:: O chemeco d'as parolas (en aragonés) ::

O chemeco d'as parolas (en aragonés)

Grabazions en Pandicosa

Archibau en Notizias • Fecha: 10-11-2005 00:28:55

Archibo Audiobisual de l'Aragonés

Ista parella d'imbestigadors (Fernando Blas y Fernando Romanos) que tanto fan por a nuestra luenga, iste biernes, sabado y domingo, tornarán a lebar a suya maquina d'imbestigazión enta un lugar d'o Pirineu ta dixar grabaus os zaguers chemecos de l'aragonés. Ista begada puyan ta Pandicosa, y a modalidat ye o pandicuto.

Qué goyo faría de beyer cómo as diziendas corren por as carreras d'o lugar, cómo as güelas charran d'as grabazions, cómo a chen s'amanan a las grabazions ta beyer o montache y rodache...

Encara remero cómo en a bal d'Echo fazión unas grabazions chenials en cheso, grabando a chobens y grans, a una mesacha de 18 años bendendo pan en aragonés cheso, a bels chobens charrando d'as fiestas, a ninos que prenzipiaban a charraputiar en aragonés ta par d'alabez... Sentir charrar l'aragonés asinas ye como cosa mistica...

En a ball de Benás tot estió tamién chenial. Beyebas cómo os de Modelika (Plácido, Naiche y Dani) feban o suyo treballo y nusatros beyébanos a grans y chobens charrar de diners, d'a unibersidat, de chistes... tot en aragonés benasqués con a naturalidat propia d'una luenga encara biba.

Agora fan as grabazions en Pandicosa, de seguro que farán onra a l'aragonés, y sabendo cómo las fan éls, más encara.

Ista begada abré de quedar-me con os suyos comentarios y con beyer o resultau. Aspero que tot baiga bien.

Nobedat: Ha amanexiu a notizia en o Diario de l'Alto Aragón.
Tamién lo ha feito en Pirineo Digital.

Escrito por Charrabís
(0) Comentarios • (0) Referencias • Binclo pernanén