:: O chemeco d'as parolas (en aragonés) ::

O chemeco d'as parolas (en aragonés)

Profesor II

Archibau en Cheneral • Fecha: 06-11-2005 00:14:55

A la fin cabo de semana

Ya ha plegau o sabado, y a la fin tiengo tiempo ta yo, encara que con tanto correxir os esamens que fazié dimpués de Pilars no he puesto escribir guaire.

As notas mui mui baxas. Nomás han aprobau seis zagals en un curso. En a resta, as calificazions un poquet millor.

L'atro día en clase de segundo esbarré una mica y prenzipié a esplanicar o paso d'o latín bulgar a las luengas romanzes: Caso d'o castellano, catalán, aragonés, occitano, gallego, asturiano... un tema mui intresán.
Pues a l'atro'l día, en a tutoría, o pai d'uno d'os zagals (fillo de gato, mincha ratons), ya yera dezindo-me que porqué les teneba que inculcar nazionalismos a los ninos. Que en España nomás i abeba una luenga, o español, y as atras yeran dialectos d'ixa.

Yo me miré de fer-le benir a plego... pero rai, a la fin yo yera "d'a CHA" nomás por esfender a pluralidat lingüistica y a l'aragonés y él yera qui teneba a razón.
Y yo, ni que siga de profesor ni que no, odio que se me clasifique por categorías. Ni soi de CHA ni de cosa, yo nomás soi profesor, treballo ta amostrar a la chobentut y en a bida personal soi apolitico en temas culturas.

Dimpués me contó que si con l'estatut se esfaría España y que me se yo cuantas cosas más...
Aspero que no todas as tutorías d'iste curso sigan tan entretenidas como aquella, a berdat. Rematé dezindo-le que trampís ta él si parlaba sin saber, que yo continaría amostrando que España yera plurilingüe y Aragón tamién.

Escrito por Charrabís
(3) Comentarios • (0) Referencias • Binclo pernanén

Referencias (URL para referencias)

Comentarios

De seguida estará biernes atra begada
default — 06-11-2005 12:24:28
Cal fer!! como os fernandos...
http://www.diariodelaltoaragon.es/noticias/detalle...

mallatas — 07-11-2005 08:41:08
Crispín, con la crispazión! Copón, con la COPE!
Guineu — 09-11-2005 00:38:22