:: O chemeco d'as parolas (en aragonés) ::

O chemeco d'as parolas (en aragonés)

Martes por Agüero y Jabierrelatre

Archibau en Notizias • Fecha: 01-11-2005 23:37:32

Encara cal estudiar muito

Güe, grazias a l'amabilidat de Fernando Sanchez, he puesto puyar con él ta lugars como Jabierrelatre, an que emos trobau a bels informans mui buenos (i hai posibilidaz d'una conserbazión de l'aragonés mui buena por ixas tierras) y ta Agüero, an que emos estau toda a tarde.

Yo, por as suyas referenzias y as de Guillén, me pensaba que sí que yera bibo l'aragonés en ixe lugar, pero no pas tanto como he puesto sentir no sólo de chen de más de 70 años, sino de tamién más chobens.
Ye un parlache prou zercano a l'aragonés común y de marcau carauter meridional, y oczidental (en parolas de Fernando).
Yo ya soi asperando con "angruzia" que se diz por allí, más treballos d'ista parella d'imbestigadors que prometen ya dende fa tiempos.

L'aragonés d'Agüero ye una alfaya de tot, una modalidat mui bien conserbada y con uns informans que, de berdat, son ubiertos, simpaticos y fan pacha con tú de camín.

Reflexións:
- L'aragonés ye más bibo que no pensamos; no cal pensar nomás en as bals. (Sé que ista reflexión la ha teniu más chen)
- Si se le podese aduyar una miqueta a la luenga, en istos puestos d'os semontans se farían miraglos. Pienso en escuelas, meyos de comunicazión...
- I hai más lugars como Agüero por ixa redolada que caldría estudiar ya, porque de seguro que se trobarían muitas más alfayas.

Escrito por Charrabís
(3) Comentarios • (0) Referencias • Binclo pernanén

Referencias (URL para referencias)

Comentarios

Si yo fuese una d'ixas dos personas que nombras, seria firme agradeziu por as tuyas palabras. Por zierto, anima-te con uno d'ixos lugars do l'aragones esmortex, pero no pas tanto como algunos pretenden!!

ixeya — 02-11-2005 22:18:09
Pues ya me faría ganas de treballar-me bel lugarón d'ixa parte. Di-me beluno... Jabierrelatre a berdat que puede estar interesán, sí. Ye una zona bien curiosa y poco estudiada.
Charrabís — 03-11-2005 00:26:24
"O charrar d'ixa redolanza tiene chicorronas diferenzias de unos lugarons á otros. Yai muita chente que l'ha dejau de charrar, muitas bezes por bergüenza, porque diziban que ixo yera que no sabeban charrar y s'en rediban... Entuabía yay bel biello pu aquí y pu allá" Blas Castán d'Ayerbe (testo replegato por M.A. Pérez e M.A. Martín, en 1983)
Óscar — 03-11-2005 16:56:25