:: O chemeco d'as parolas (en aragonés) ::

O chemeco d'as parolas (en aragonés)

Grabazión de boz y soniu

Archibau en Formazión d'imbestigadors • Fecha: 31-10-2005 13:22:21

Alfonso Casasnovas. Ye sabado de maitins (22-10-05)

Foto

Alfonso Casasnovas ye Tecnico de Soniu en l'Audiorio de Zaragoza.

I hai barios metodos ta grabar a boz. Os microfonos son una d'as millors ferramientas que se pueden fer serbir con ixa finalidat.
Seguntes cómo siga a nuestra grabazión emplegaremos:
- Ta una boz: micro de solapa.
- Ta boz de sobremesa: micro direccional.
- Ta mosica: Omnidireccional.
- Ta rudio y ambién: estereo (son dos micros de 180º).

Pende de l'informán igual no podez meter-le un micro de solapa porque igual no tos charra en aragonés si fez tantos aparatos. Si no tenez guaire confitanza, millor con o micro d'o grabador.
Si ya fez pacha y o informán se troba bien y no l'importa que lo grabez en plan profesional, metez o portatil en a mesa, lo enchegaz, quitaz un micro direccional u de solapa, y fez a grabazión. Pero como ixo ye, en o Pirieu, cuasi imposible, pos lo fez con pazenzia y a fer orella.

Cuan faigamos una entrebista, cal tener bien claro o sistema de captura que faremos serbir, o puesto an que nos trobemos (si soz en una cambra chicota no ye igual que en una carrera con chen, autos y cans).
Ye importán o soniu porque dimpués será o sistema que nos aduyará a fer as transcripzions.
Cuanta millor calidat, millor. Pero cal recordar que ta grabar nomás a informans, o bitrate rai (si ye en MP3, 128 ye masiau) y entre mono u estereo, millor mono. Ez de pensar que si tenez una grabadera dichital u un lector de MP3 que faiga grabazions, ye bueno lebar-lo dende que se sale de casa enchegau y grabando (ta si te trobas bel informán intresán ya tener-lo enchegau). Ixo ocupa muito espazio, asinas que a compresión millor que siga alta.

Una begada que tengaz ya a grabazión feita, tos la pasaz a l'ordenador. (Importán fer-ne copias en DVD ta si se muere o disco duro). En l'ordenador, i podréz ya fer a transcripzión, pero antes cal apañar una mica o soniu d'a grabazión.
Ta ixo, i hai muitos programas que sacan os rudios, os bruyius, que pueden filtrar as frecuenzias... Ixo ye de gran aduya cuan un soniu amanixe en a grabazión y no puez saber o que se diz (caso de un can trabeset que escañuta cuan o golet diz una parola clau).

Yo m'he baxau (ye de baldes) Audacity, pero en i hai más. Iste fa onra porque ye fázil, en castellano y intuitibo.

Atra bentaxa que tos darán istos programas ye que gosan tener a funzión d"amplar o tiempo" u cosa asinas. Ixo tos permitirá retardar os sonius ta que a boz de l'informán baiga de begada con a buestra belozidat d'escritura. Yo lo he prebau y ye una marabilla, o sé como podeba transcribir antes sin istos programas...

D'a dicotomía entre grabar en analochico u dichital... prou que en DICHITAL. (Os ipods m'enamoran). Dimpués te puez pasar a l'inte tot a l'ordenador, puez meter-ie tamién fotos... yo d'as zintas ya, ta istas cosas, m'en oblidaría.

Ta rematar, o puesto ideyal ta fer una encuesta dende l'ambiesta de l'acustica:
En un cambra chicota mui amueblada. Con cortinas, con almarios por tot... asinas no tendrez mica problema.

Escrito por Charrabís
(2) Comentarios • (0) Referencias • Binclo pernanén

Referencias (URL para referencias)

Comentarios

No nos has charrau pon d'a rematadura d'o curso (zena en o restaurán ecolochico Batán, de Montflorite) y la representaziòn "Mosica & Parola" de la Orquestina del Fabirol.
default — 01-11-2005 11:25:01
Pos tiens toda a razón, pero ye que i hai dos cosas que cal dezir:
- Yo no pude estar ni en chentas ni zenas, encara que en tienga referenzias.
- Encara soi contando a charrada d'o sabado día 22, ye dezir, de fa dos semanas. O que tu bien dizes pasó iste sabado, día 29. (Boi contando as cosas con tiempo)

Sobre as tuyas preguntas aspero que Roberto Serrano u fablapensador u qui siga nos cuente qué pasó.

Charrabís — 01-11-2005 23:18:22