:: O chemeco d'as parolas (en aragonés) ::

O chemeco d'as parolas (en aragonés)

Presentazión y charrada de Roberto Serrano

Archibau en Formazión d'imbestigadors • Fecha: 27-10-2005 11:52:14

21-10-05; CPR de Uesca. Fa buen día.

Cartel

Como dimpués estió normal en a resta d'o cabo de semana, tot prenzipió tarde (a ora tendría que aber estau as 6 d'a tarde).

Modelika ya teneban tot presto ta prenzipiar a grabar, pero encara i eba chen que no eba plegau. Antes d'entrar en a saleta, nos dión o guión d'o curso y un cartel bien majo.
En a saleta, i eba una mesa, mapas de Uesca, as sillas y bel almario. Fernando Romanos y Fernando Blas ya i yeran controlando tot, asinas que a presentazión se fazió de camín.
Fernando Romanos comentó a dinamica d'o curso, os dos equipes d'imbestigadors que nos somos formando ta par de Occiania y quí, os motibos y cómo se faría a resta d'o curso.
Pilar Benítez charró d'o CPR de Uesca (nos eban dixau esa sala fueras d'orario) y de cómo eba quiesto dar 4 credeitos de formazión ta qui lo rematase.

CPR

Fernando Blas s'encargaría pues de repartir y organizar tos os treballos posteriors a la parte teorica, tanto de replega de bocabulario como de transcripzión.

Fernando Romanos (qué orror ta yo), prenzipió con ixas dinamicas de grupos an que cada uno se chunta con atra persona esconoxida, charran, dimpués la uno presenta a l'atro y a resta, a la fin, ha d'acordar-se de tot.
Lo consiguió y rematé acordando-me de bels nombres...

folleto

O primer día i yéranos bels 20 asistens. O sabado y o domingo ya en yéranos más.

Roberto Serrano comentó, en a suya charrada, cómo eba feito ta encuestar a los informans, ya que él ye musicaire y buena cosa d'as suyas melodías en discos pasaus estión inspiradas en a tradizión mosical aragonesa. Nos charró d'o chistabín y d'os suyos rasgos fundamentals. Yera de dar que cuasi toz conoxébanos l'aragonés y no caleba guaire profundizazión, asinas que lo fazió luego. nos pasó bellas encuestas d'o chistabín ta que beyésenos cómo se autocastellanizaban os informans y nomás cuan charraban de (entiendo yo) "parolas clau" u "recuerdos clau" pasaban a l'aragonés chistabín.
Ixas parolas podrían estar nombres propios: Tomonimia, Homonimia.
Cuentos u recuertos que nomás esistiban en aragonés: a Guerra, o contrabando...

Dimpués fazió a presnetazión d'un chicot bideo en chistaín y continó charrando.

O día remató a las 10 d'a nueit.

Escrito por Charrabís
(1) Comentarios • (0) Referencias • Binclo pernanén

Referencias (URL para referencias)

Comentarios

He de comentar que, en rematar o curso, faré un articlo con toz os materials (tanto perifericos y aparatos como programas) que se pueden fer serbir ta un buen treballo de campo.

Dende grabadors de boz dica sistemas de organizazión, tratamiento de datos y compatibilidaz entre sistemas.

Aspero que tos faiga onra y que ni que sigaz ni que no en o curso, tos animez a imbestigar y salir a lo campo ta prebar de conserbar a cultura aragonesa.

Charrabís — 27-10-2005 13:52:54