:: O chemeco d'as parolas (en aragonés) ::

O chemeco d'as parolas (en aragonés)

Replegas de fa más de 100 años

Archibau en Opinions • Fecha: 26-10-2005 13:04:03

Un libret que fa goyo de beyer

Portalada

Grazias a un quiesto compañero, ha plegau en as mías mans ista marabillosa edizión de 1908, d'o "Diczionario de bozes aragonesas" feito por Jerónimo Borao con una introduczión "filolochico-istorica" también feita por él.

Ista edizión (a segunda) estió ixamplada con:
- "Colecciones de voces usadas en la Litera" de Benito Coll y Altabás
- "Colección de voces de uso en Aragón" de Luis V. López Puyoles y José Valenzuela La Rosa.

A introduczión, encara que larga, ye increyible. Un churro de sapienzia y conoximientos que, ta par d'alabez, dixaban a Borao como uno d'os personaches d'a lingüistica española más modernos y innobadors.

Portalada2

A suya replega, encara que una mica curta, dixa ya beyer un lexicón bien importante de repuis aragoneses que si s'esen protechiu "á la hora horada", no tendríanos tantos problemas con as leis, que en zagerías en tenemos a PARs.

A replega de Benito Coll y ixa atra de Luis V. López Puyoles y José Valenzuela La Rosa., como yera d'agradixer, tamién fa onra a la luenga. Encara tiengo que leyer-me a mayoría de pachinas (encara que no me'n adubo, no me baga por agora), asinas que malas que las remate, tos faré una listeta d'as que más curiosidat y sorpresa m'han feito.

Escrito por Charrabís
(0) Comentarios • (0) Referencias • Binclo pernanén