:: O chemeco d'as parolas (en aragonés) ::

O chemeco d'as parolas (en aragonés)

De l'autor

Archibau en Cheneral • Fecha: 23-10-2005 19:18:55

Atra begada en a mía cambra

Agora que he tornau d'o curso que m'ha capuzau de tot con treballos de campo, metodos d'encuesta, recursos ta os imbestigadors y tradizions orals, ya me puedo adedicar atra begada a contar-tos as notizias y istorias que tanto goyo me fan de l'aragonés.

Prou que tos iré escribindo tanto como emos feito en o curso, pero encara no tiengo claro si ye millor por bloques dentro d'o mesmo blog u ufrindo a posibilidat de baxar-tos os apuntes, impresions y comentarios dende atro puesto.
Como encara no lo he dezidiu, azepto ideyas.

Ya he bisto que i hai chen que no fa que fer carrañar escribindo fatezas mientres que yo no he puesto escribir (ya los he borrau).
Bueno, repito: Iste blog ye ubierto a toz que queraz comentar, nimbiar notizias y fer parla; pero siempre con respeto, sin insultar y sin fer o fato. Podez tamién escribir en todas as buestras luengas y dialectos, encara que yo nomás lo faiga en aragonés.

Yo, como autor, siempre que beiga que ixos menimos de respeto y seriedat se pierdan, borraré o comentario y prou.

Tornando a temas más alegres, tos foi ya un resumen d'o curso an que he estau istos tres días: "Mui bueno".
No tos ne faigaz, que tos pencharé os apuntes y comentarios, pero encara no se cómo. Y con o profesor, maitín sabrez qué le ye pasando con ixe curso d'alumnos meyo salbaches y con a resta d'o profesorau.
Güe, me descansaré un rato.

Grazias por tot, perdón por l'ausenzia.

Escrito por Charrabís
(2) Comentarios • (0) Referencias • Binclo pernanén

Referencias (URL para referencias)

Comentarios

Talment estaría ben que feses un trestallo "Notas ta el/lo/ro/o treballo de replega dialeutolochica" (u con un altro nome més curto), como ixes de "Cheneral", "Notizias" y "Opinions". Cuan te cuaque, bas fent posts sobre el tema y els bas penchant en la pachina prenzipal y astí. Si te ficas a fer bel treballo de campo, tamién ie podrías ficar las tuyas impresions (la chent, las sorpresas lingüisticas, el vin que te den a prebar...).
Guineu — 24-10-2005 14:55:54
No me parixe mal a ideya. Ixo faré malas que pueda. A beyer si maitín tos foi a primer entrega d'o curso con o resumen d'o primer día (viernes pasau): introduczión y charrada de Roberto Serrano.

(Por zierto, en a foto que publicó o Diario de l'Alto Aragón i amanixe l'autor d'iste blog).
Charrabís — 26-10-2005 13:25:00