:: O chemeco d'as parolas (en aragonés) ::

O chemeco d'as parolas (en aragonés)

Profesor I

Archibau en Cheneral • Fecha: 11-10-2005 01:52:53

Primer día de clase

Uf, qué suenio! Me feba un mal a cabeza cuan m'he dispertau... Qué orror, ya son as 7 d'o maitín; en ora y meya entro en a clase.

Güe m'afaito, pero os pantalons... os d'ayere.

Atra begada a fer clases. Como l'atro año, qué galbana. Ta qué me daría o medico baxa de nomás un mes? Si encara me fa mal o garganchón! Y no puedo gritar en clase!

Rai, cal fer clases ya. No m'acuerdo d'án dixé as listas d'os alumnos. Puede estar que en o departamento, que dimpués d'o claustro i estié un ratet. Cuantas oras yeran güe? Tres, no guaires, as tres de bachiller.
Grazias a Diós, prenzipiar con 2º d'a ESO abría estau mortal. Ixos de 2º son meyo animals, esgritorziando y de tot en clase... Istos de bachiller son más normals. Son clases de 20 alumnos, alto u baxo, que si bienen ye ta estudiar, no pas por obligazión.

Y as clases, tornarán a estar fredas? Remero que l'atro año se dormiba toz os días o conserche, feba tarde, y no enchegaba a calefazión cuan caleba: una fredor!!!! en clase, os alumnos se i meteban o chaquetón ta mirar-se d'aguantar caliens. Y asinas no se pueden fer clases. A 10 graus (u menos), un lunes de maitíns, a las 8:30, y tanto éls como yo, chelaus y dormius.

Bueno, güe ha amanexiu o sol bien gran. Estoi que fará calor. Con tot y con ixo, contino tenendo muitisma galbana...

Escrito por Charrabís
(0) Comentarios • (0) Referencias • Binclo pernanén