:: O chemeco d'as parolas (en aragonés) ::

O chemeco d'as parolas (en aragonés)

Un nombre ta tu

Archibau en Notizias • Fecha: 07-10-2005 14:46:29

Presentazión en a DChA

Libro

Güe s'ha feito en a DChA a presentazión d'o libro Un nombre ta tu. Endize de nombres propios coodinau y documentau por Carmen Alcover con l'asesoramiento en l'aragonés de Jesús Vázquez Obrador.
Ye editau por o Departamento d'Educazión, Cutura y Esporte d'o Gubierno d'Aragón.

A presentazión ha estau feita por Juan José Vázquez y l'autora: Carmen Alcover. Ha charrau d'o prozeso de recopilazión d'os nombres, de l'aduya que ha teniu de muitas personas, d'a requesta sozial que ya tien o suyo libro cuasi antis d'amanixer, d'a gran riqueza que i hai en Aragón por tener tres luengas diferens con as suyas culturas, mitolochías y prou que con l'antroponimia.
O libro no se mira d'estar una replega sistematica de toz os nombres que tenemos, sino que son nombres que, dimpués d'una triga por, como diz d'autora, "a suya olor, sabor, color.." y por a sonoridat de cada nombre, merexeban estar-ie.
Prometen una segunda edizión con anotazions más elaboradas y con os nombres que no han puesto pubicar en ista edizión (En i hai bels 1000 en iste libro).

Carmen Alcover ha quiesto remarcar que no ye una traduzión d'os nombres castellans enta l'aragonés y catalán, sino que son equibalenzias entre as tres luengas aragonesas.

En o libro pobremos trobar tamién bels nombres tanto aragoneses como castellans que no tienen equibalenzia con o castellano. Ye dezir, unicos d'as ditas luengas. Tamién i hai nombres catalans tipicos d'Aragón.

Tos animo a regalar iste libro.

Escrito por Charrabís
(2) Comentarios • (0) Referencias • Binclo pernanén

Referencias (URL para referencias)

Comentarios

Enhorabona per estos comentaris! Endavant!
ranciolí — 10-10-2005 16:49:23
Grazias, a pachina buestra tamién m'ha feito muito goyo.
Charrabís — 14-10-2005 17:35:44