:: O chemeco d'as parolas (en aragonés) ::

O chemeco d'as parolas (en aragonés)

Cruzero VI

Archibau en Cheneral • Fecha: 05-10-2005 14:29:15

A despedida

Estos días no he puesto escribir guaire, yera ocupau con una turista. Como ya tos conté, eban puyau ta o barco una colla d'adoleszens que me teneban como un nino: en as ilesias y catedrals no feban que esgritorziar, en o metro se perdeban u no s'enteraban d'án caleba baxar... Un día, en Budapest, dimpués d'aber bisto a Opera, o Parlamén (le son cambiando as losetas d'as parez), y o puen d'as cadenas, puyamos en un funicular (no sé ta qué, porque yera bien caro). Bueno, pues malas que pleguemos en alto de tot, pretón a encorrer a unos... rai, que esbarro.

No tos pensez que m'enreligué con con bella ninona d'ixas, no. Con a profesora! Tot prenzipió cuan yeranos en Biena, en Sacher, fendo un café bienés y un mueso d'ixe pastel tipico d'a ziudat. Yéranos charrando d'as botigas que i eba en Biena y as alumnas marchón a alparziar bels grans almazens que se trobaban zerca.

A la fin, pasó o que teneba que pasar: yo, desesperau de tot (ya no m'adubiba!). Normalmen, istas cosas no gosan rematar bien, pero a profesora tamién diz que le feba ganas de... rai.
Total, que o malo d'as cosas ye que siempre, siempre se rematan. Ni que faigas de tot por alargar-lo ni que no te'n faigas. As cosas se rematan. Y ista profesoreta: a millor que nunca he teniu, se'n fue con as alumnas d'o barco.

En a despedida: un cuaderno de quefers ta yo, ta que i escribise tanto como eba sentiu con ella y ta que, cuan lo plenase, le'n nimbiase. Prou que no lo plenaré, pero la trobo tanto en falta que boi a escribir-ie bel poema (más romantico que os de Guieu) ta fer-me una mica más contento.

Escrito por Charrabís
(2) Comentarios • (0) Referencias • Binclo pernanén

Referencias (URL para referencias)

Comentarios

Ieeeeeeeep! Mia-te tu que dir-me que no sigo romantico! Si m'he feito uns morreyos granizismos con els facaoers y tot! Ora que... qué plan mos aguarda! Tu, de tristuras amorosas; el tuyo chirmán, filolocheyant con profesors enluzernaus per la chusta causa contra l'aragonés...

P. S.: Ixa chambreta d'el post anterior, qué diz? No se ie beyen guaire las letras.
Guineu — 05-10-2005 20:50:03
Jajaja, a tuya relazión con os f'a FACAO ya ye más que romántica, cuasi mistica!

Pos sí, qué plan!

O que diz a chambreta ye o tipico pero ista begada esbafau, sin fer tanto ficazio en o parlache (que a suya umor s'alazeta en as baturradas)d'ixe moñaco: "Aiva, aiva, aiva..." "el bailar, el volar, el comer, el festejar, el zurriar molocontón en vino, los cuetes, las bandas y el cantar quisieraa quisieraa... ay que majico" "Vivan las Fiestas", etc.
Charrabís — 08-10-2005 00:20:41