:: O chemeco d'as parolas (en aragonés) ::

O chemeco d'as parolas (en aragonés)

Cruzero II

Archibau en Cheneral • Fecha: 20-09-2005 17:47:48

Polizons

Ha puyau un polizón ta o mío corazón. Puyó ayere, cuan yera yo en a piszina, chitau en l'amaca de plastico con una toballa chipiada debaxo.

Ébanos prenzipiau o biache enta Biena y feba un orache de berano.

Teneba una bebida en a man, y cuan debanté a cabeza ta beber-ne una miqueta, la beyé a ella: a muller más polida que no eba bisto en a resta d'os biaches. Choben, roya, fineta y feita por Dios con bardo diferén.
La teneba debán. En primeras beyé o suyo cuerpo, y dimpués a suya cara.

Me charró en inglés con azento franzés:
-"Could you show me were is the bathroom?"
Qué susto, eba entendiu "bedroom"!

Yo, una mica camandulero, fazié tanto como pude ta enterar-me de tot d'ella, la lebé ta o escusau, y me quedó clara una cosa: Ixa nueit ya teneba en quí pensar antes de dormir: en ella.

Escrito por Charrabís
(1) Comentarios • (0) Referencias • Binclo pernanén

Referencias (URL para referencias)

Comentarios

poesia n'aragonés

la direzión ye:

http://www.juanbielsa.com/aragones/aragones19.html
default — 21-09-2005 00:51:28