:: O chemeco d'as parolas (en aragonés) ::

O chemeco d'as parolas (en aragonés)

Academias y academias

Archibau en Opinions • Fecha: 06-09-2005 21:12:06

Transtornos d'a personalidat

En zagueras tiengo problemas ta trobar o mundo reyal. Leigo en Heraldo que "Naxe una academia d'a luenga "aragonesa""...

Bueno, a qué luega se refiere? a ixa que han perdiu os bocatobas que i hai por Aragón? pos igual, porque l'academia d'a luenga aragonesa, d'a lengua en que escribo, encara no ha naxiu.

Me parex mui triste que i aiga chen que puedan fer cosas como ista, que fa pena.

Aragón ye trilingüe, en Aragón se charran tres luengas, en Aragón i hai chen que charran en tres luengas diferens. Tan difizil ye d'entender? Ni dos ni una, nomás tres, tres son as luengas d'Aragón.

Y d'Academias nomás en puede aber una, ixa ye a meta, que amanixca un ente que tienga fuerza, ni amenistamos academias d'a luenga Baixoribagorzana (bella cosa se'n charró en Graus fa no guaire en as suyas chornadas) ni d'a luenga "aragonesa" de lugars como Torre del compte, Calaceit, Fraga u Altorricó.

Como diría o personache "Siñora Charrabís": que me lo esplaniquen os chobens, porque yo iste mundo ya ni lo entiendo.

[Nobedaz]

Dimpués d'escribir ixo, he leyiu a notizia que amanixe en o Diario del Alto Aragón, y ya no'n pienso o mesmo. He de correxir-me, agora tiengo una opinión pior d'ixa "Academia". Soluzión: m'estimo más no opinar-ne, nomás digo que dixen de fer fatezas, que cuan se chuga con una luenga, se chuga con o pasau, o presén y o futuro d'a chen.

(P.D: que marchen a muyir...)

Escrito por Charrabís
(1) Comentarios • (0) Referencias • Binclo pernanén

Referencias (URL para referencias)

Comentarios

...fardachos. Sí, siñor, molto d'alcuerdo. Como dizen que diba aquel politico cuan ya se n'iba enta Franzia, "¡Qué país, qué paisaje y qué paisanaje, Miquelarena!".
Guineu — 07-09-2005 00:48:30