:: O chemeco d'as parolas (en aragonés) ::

O chemeco d'as parolas (en aragonés)

Chen de campo VI

Archibau en Cheneral • Fecha: 31-08-2005 00:12:22

Afogaus d'augua

Ayere, que beyé a telebisión, dizión en o parte que continaríamos más tiempos sin beyer pleber por istas tierras. Pero cómo ye o mundo, si un inte antes yeran contando que un uracán yera afogando d'augua una ziudat en EEUU??
Y nusatros, en iste lugar, que no tenemos augua en as casas de nueiz, que no puedo regar l'ortal porque ye bedau fer serbir l'augua ta uso agricola...

O tema no remata aquí, debán d'a mía casa, cara con cara, i hai un panizal! Pero cómo puede estar ixo! Cómo pueden fer un panizal y sacar-me l'augua de casa?

En os míos tiempos no pasaba ixo, i eba una mica más de lochica en tot. Ista chobentut que m'esplanique qué ye pasando, que yo, con a mía edat, no lo entiendo...

Escrito por Charrabís
(3) Comentarios • (0) Referencias • Binclo pernanén

Referencias (URL para referencias)

Comentarios

Ye berdá, siñá usté, isto de l'augua...li'n foi una copleta como ixas que fa ra raposa...

O Ebro guarda silenzio
cuan pasa por o Pilar
a expo ya la se ulora
a expo ya la se ulora
lo quieren esperrecar...
mallatas — 31-08-2005 18:02:24
Pos sí que ye bien ixa copleta, aspero que dixen o Ebro millor que no en ye, porque me fa una pena... Tiene cuai tan poca augua como o barranco d'o mío lugar!

Di-le a la rabosa de fer una colaborazión y en fez un buen rimau/rimat.
Charrabís — 31-08-2005 18:44:00
Pos la rabosa no l'ha feito, pero l'equipo de redazión de la Pastorada de Benabarri sí que ne ba fer bels bersez (no sobre l'aigua, sino sobre l'expo):

AMO:
I el nom de l’Expo sirà
“Desarrollo sostenible”.

PASTOR:
Ai, quina por que me fa!
Ja sé prou qui “sostindrà”
toda l’obra previsible.

A impuestos mos cruixiran,
i els pobles xics patiran
una bona retallada
en la inversió programada:
tot per fer una Expo ben gran.
Guineu — 01-09-2005 14:02:48