:: O chemeco d'as parolas (en aragonés) ::

O chemeco d'as parolas (en aragonés)

Colonizar

Archibau en Opinions • Fecha: 15-08-2005 01:10:14

Mugas, buegas y fatezas en cheneral

As boiras tienen mugas? Han d'amostrar bel pasaporte ta esnabesar o zielo dende Pau u Tolosa dica Uesca u Zaragosa?

Os arbols tienen nazionalidat? Cuantas nazionalidaz ha puesto tener un arbolet como una secuoya de cuasi 3000 años o un baobab de más de 3000?

Tienen os onsos pirinencos (sisquiá en abese más) doble nazionalidat? Cuan as grullas baxan dende o norte d'Europa dica o norte d'Africa pasando por Aragón, tienen que declarar o motibo d'o suyo biache y os días que serán en cada país? Y si se quedan más de 90 días han de tener bisau??

Ta qué queremos as mugas? Ta fer muros? Ta dar más diners a las constructoras?? Si femos cuentas: Gran Muralla china, o Muro de Berlín, o muro que partiba inglaterra en dos, as murallas de todas as ziudaz europeas, os mollons d'os campos aragoneses, as ballas d'as autopistas y autobias... Tot son mugas!

Sin iste sentimiento animal de propiedat, de separatismo... a la fin, de superioridat u miedo a otri, cuanta chen no abrían muerto en guerras, cuanta chen abrían bibiu millor...

Dende aquí, dende ista luenga que chemeca porque muita chen le fan mugas ta que s'afogue ya, clamo a los responsables d'Israel y Palestina ta que dixen a luita y biban, a la fin, en paz.

Escrito por Charrabís
(0) Comentarios • (0) Referencias • Binclo pernanén