Laburo España: 250.000 ofertas de empleo

Pirineo: un país de cuentos

Archibau en Notizias • Fecha: 10-08-2005 00:31:43

Cuentos ta aprender y dibertir



Fa meses, cuan se publicó o libro, le'n regalé a mi pai. Ya conoxeba a suya esistenzia, pero no lo trobaba en as librerías. Un día, en Galerías Primero, sin querer-lo, lo trobré solenco de tot en un aparador que i hai.

Me lo merqué y leyé bels relatos. En i hai en aragonés y castellano ( nomás m'he leyiu os primers y beluno d'os atros por culpa d'o tiempo, encara que prometo que los leyeré toz).

No soi crítico literario pero sí tiengo bella ideya de cómo se fa un cuento, y en o libro i he trobau cuentos que fan ganas de leyer bel par de begadas por a suya calidat y naturalidat.

Os que son escritos en aragonés merexen una buena lectura en conteniu y en forma, y más encara os escritos por chen que charran aragonés dialectal.

Tos animo a Pirineum editorial que continez con iste buen treballo, que ye una buena endrezera.

Escrito por Charrabís
(2) Comentarios • (0) Referencias • Binclo pernanén


Referencias (URL para referencias)


Comentarios

  1. Mercar-se llibres en aragonés é una ixera tremenda, Chorche Martín. En as llibrerías de Balbastro, bi ha bella cosa de Chazal, Marco u Tena? No, pare, y l'único eixemplar d'"El biache" de Collada me'l ba llebar yo.

    Guineu — 10-08-2005 22:38:47

  2. A berdat ye que d'as librerías de Balbastro no'n sé guaire. Te puedo contar que en Monzón fa un año sí que i trobré bels libros en ribagorzano. En Monzón tamién se fa a Feria d'o libro aragonés, que ye un buen puesto ta nusatros os bibliofilos.

    Te recomiendo que, si no puez mercar os libros en as librerías, los busques por internet.

    I hai muitas pachinas que te pueden fer onra (ta si no las has consultau encara, te las zito). As que te recomiendo (no sé si podrás trobar-ie os libros que quiers) son:

    http://www.libreriadelpirineo.com
    http://www.dyr.es/iea
    http://ifc.dpz.es
    http://www.xordica.com

    O Consello (www.consello.org) tamién t'ufre buena cosa de libros ta pedir, pero no se pueden mercar en linia.

    Tamién puez buscar as pachinas d'as librerias más importans de Zaragoza y Uesca.

    Xordica diz que publicará un nuebo libro d'Elena Chazal ta iste año: Lo que mai no s'olbida. Por a reseña estoi que fará goyo de leyer.

    Charrabís — 13-08-2005 23:26:33


Comentar



Recordar datos




LaInformacion.com lainformacion.com - Medio Oficial de los Premios Bitacoras 2009