:: O chemeco d'as parolas (en aragonés) ::

O chemeco d'as parolas (en aragonés)

Soi rico IV

Archibau en Cheneral • Fecha: 29-07-2005 14:23:02

O mundo ye barrenau de tot

Güe en CNN+, en o programa Cara a cara i han entrebistau a un imbestigador que treballa en a luita contra o canzer. A la fin d'a entrebista m'he sentiu atacau porque deziba que ye una pena que en premios d'a telebisión como (se entendeba) "Gran Chirmano" se dasen cantidaz de diners que, si se utilizasen en a imbestigazión, farían muita más onra.

Yo le respondo, tamién respondo a bels comentarios de Guineu u Ixeya, que sí, que ye berdat. Pero tamién pasa con o futbol, si enguís de ganar tantos diners os clubs y futbolistas se lebasen ixos diners ta Africa contra o fambre se salbarían muitas bidas. Pero somos en un mundo an que prima o egoismo y contentar a las masas. Sin futbol, sin programas rosas, sin cosas asinas, o primer mundo cómo bibiría? Yo, con os míos shows tamién foi un bien a ixa comunidat de personas que no fan que beyer a telebisión. Igual ixos millons que gané un zientifico los abría feito serbir millor, pero ixa chen no intresan. No fan morbo. Yo sí.

Si toda ixa chen que me beye, que se sabe a mía bida, en ixe tiempo fesen treballos umanitarios, sozials, culturals, aprender, leyer... cambiaría tot. Pero no, s'estiman más saber que a mía zaguer nobia yera a filla d'o primo segundo d'a mai de farruquito.

Yo no foi que dar-le a la chen o que quieren, y asinas me gano a bida. Me gano a bida como cualsiquier persona: como puedo.
No me beigaz a yo como o culpable, que os culpables somos todos, somos ista soziedat que me da diners por foter puñadas en a tele y a os medicos, filologos, imbestigadors, artistas, boluntarios, y toz ixos los beyen como perdedors, sin mica intrés, lexos d'a importanzia de Ronaldo, Bisbal, a filla de Romina y Albano, Belén Esteban, la duquesa de quemisió u yo.

Escrito por Charrabís
(0) Comentarios • (0) Referencias • Binclo pernanén