:: O chemeco d'as parolas (en aragonés) ::

O chemeco d'as parolas (en aragonés)

Soi rico III

Archibau en Cheneral • Fecha: 27-07-2005 12:48:50

Ya plegué en casa mía

Os ricos como yo, que nos dixamos fer fotos en a placha, que tenemos que besitar todas as fiestas que se i faigan y que no podemos estar 2 días en o mesmo puesto, siempre tornamos d'os biaches baldaus.

Una persona como yo, siempre lo he dito, ye como o caganiedos d'a familia: un nino que ye o zentro de tot, conzietero, que siempre tien o que quiere.

Pero no tos pensez que nomás beigo ixo. L'atro día que iba en l'AVE dende Uesca a Madrit, fazié una gambadeta dica a cafetería, anque i eba dos siñors. Yeran charrando que caleba canzelar a trobada que teneban con tal ministra y fer-ne una con tal atra, que as aduyas ta o campo ya cal baxar-las porque a UE no en dará más, que a futura linia de l'AVE caldría fer-la u por Cariñena u por Utrillas dica Teruel y ta par de Uesca por Ayerbe tamién caldría fer-ne una, etc. Tot ixo lo sentiba debán d'una finestra beyendo pasar mons, rios, lugars, rabaños, boiras...

Cuan yes en ixos casos paras cuenta d'a poca importanzia que tiens en o mundo, que i hai personas que nomás con una frase pueden cambiar o futuro d'una nazión y que tú no yes que una güella perdida por os mons de Fanlo, por exemplo.

Ixa sensazión, ista begada, no me duró guaire, porque malas que plegué en a gara de tren, beyé a un ixambre de chen asperando me a yo ta fer-me fotos y pedir-me autografos. Y a éls, a ixos dos, no los asperaba dengún.

Escrito por Charrabís
(3) Comentarios • (0) Referencias • Binclo pernanén

Referencias (URL para referencias)

Comentarios

Ye asinas, ganar o "Gran Chirmán" te fa més importante que os que toman dezisions. De totas trazas, encá que aigas ganau un concurso d'ixos ta baldragas, contina escribindo en aragonés, que asinas n'alprendo ;-)
Guineu — 27-07-2005 15:00:44
¿¿¿Puedo marchar t´o Tomate a contar bel dato morboso??? Por o mismo prezio, emplimos a buxaca os dos ;D
ixeya — 27-07-2005 15:26:28
ta no tomate no!! que no pagan, no bes o soztetulo cuan remata o ptrograma... ("toz os que aqui charran no han cobrato per charrar")... millor ta coronicas marzianas (anque me parix que ya no lo fan)...
mallatas — 16-08-2005 18:48:15