:: O chemeco d'as parolas (en aragonés) ::

O chemeco d'as parolas (en aragonés)

Soi rico

Archibau en Cheneral • Fecha: 12-07-2005 16:09:02

M'he feito rico en 4 meses

Güe m'he debantau y m'he acordau d'o que m'ha pasau en os zaguers 4 meses.

I hai ninos que cuan les preguntas qué quieren fer cuan sigan grans, te dizen que esportistas, medicos, periodistas, musicaires y tot ixo. No pas yo, yo cuan teneba 10 años ya sabeba o que quereba estar: famoso y rico.

Lo deziba en clase y a chen se'n rediban de yo! que "ixo yera imposible..." "ixo no ye tan fázil...", "qué treballo de mierda..."

Fa 4 meses, me dezidié. Teneba que prenzipiar a fer o mío futuro.
Ta estar famoso teneba barias endrezeras:
- Futbolista: No porque ta ixo cal correr y treballar fisicamén...
- Millonario: No chugo a la lotería.
- Musicaire: No lo foi bien.
- Modelo: No soi tan poliu.
- Famoso de corcurso de telebisión: Ixe ye o mío futuro.

Me presenté a bellas prebas ta dentrar en un concurso de telebisión. Ye "Gran Chirmano". Prou que pasé a la final y la gané!
- Cómo?: Eba estudiau toz os concursos anteriors y lo fazié tot.
M'enreligué con todas as concursans fueras d'una (que yera una mica fieriza) con qui me carrañaba. M'imbenté frases tipo "no me metas a man debaxo", cantas como "o cachiruloooo... o cachirulooooo". Yera qui més chistes feba, qui més mandaba, escoscaba, carrañaba, rediba. Yera o esportista, o galbán, o metrosexual, listo, gamberro, sentimental, animal... Teneba toz os rols ta yo. Como ya eban concursau heteros, una lesbiana, un gay, y un transexual, tenié que imbentar-me atro rollo: yera zoofíloco y lo feba con as crabas, bacas y gallinas (diz que puyaba l'audienzia a muntons).

Cuan lo gané, malas que salié, amanixié por toz os programas de telebision. Gritaba, ploraba, me feba fotos con o mobil en a placha y las nimbiaba a atros programas ta que me clamasen... Asinas, en 4 meses (3 meses de concurso y uno antes) me fazié rico de tot.

I hai chen que diz que no treballo cosa, que bibo d'o cuento y que o mío nibel intelectual ye por tierra, pero no sé... Quí ye pior: yo u ixos que me beyen? Yo nomás me gano a bida, toz femos ixo, no?

Escrito por Charrabís
(0) Comentarios • (0) Referencias • Binclo pernanén