:: O chemeco d'as parolas (en aragonés) ::

O chemeco d'as parolas (en aragonés)

Lei de Luengas II

Archibau en Opinions • Fecha: 12-07-2005 23:59:59

O episodio contina

Un consejo de expertos se encargará de normalizar el uso de las lenguas, diz Heraldo d'aragón güe. L'articlo ocupa una pachina (6) d'o perdiodico.

En o periodico tamién i amanixe atro titular: "Las Cortes y el Justicia tendrán regulación propia".

Y un zaguer y chicorrón apartau an que se charra d'as "reacciones" ye tamién bien intresán.

- O PP pide consenso, diz. No diz que s'opongan, sino que ye un tema que cal estudiar muito y con cudiau.
- IU diz que o proyecto cal presentar-lo en as Cortes ya.
- A FACAO, son os piors, dizen que ye "descabellau" (les animo a que enguís de prenzipar aczions legals, de portesta u mesmo "desobedienzia zibil!!!", preben de pensar una mica y leyer bel estudio d'o tema, que a incultura no fa mica bien).

Bien, ye de dar que ye un tema prou charrau, que l'aragonés no puede asperar más as dezisions políticas y ha de tener meyos ta poder sobrebibir, y que as luengas son en atro plano que a política. Os partius no tienen dreito a poder dezidir o futuro d'una luenga.

Me fa contento, igual como a Chorche, pero de bez triste, beyer cómo en poco tiempo se ha puesto fer tot isto. Ye una ilusión que tenemos toz os que charramos en ista luenga. Ye una ilusión por un futuro más faborable que no parixeba fa una semana, pero ye una pena que nomás siga por dezisions politicas. I hai muita chen que han luitau por l'aragonés, nomás ye cosa de bels partius. Isto no se fá, como dizió l'atro día Zapater, por Maragall. No, quiesto siñor, se fa porque cal, porque ya ye ora, porque fa pena que en Aragón no queramos o nuestro.

Cambiará? Quí sabe? Yo aspero que sí.

Escrito por Charrabís
(0) Comentarios • (0) Referencias • Binclo pernanén