:: O chemeco d'as parolas (en aragonés) ::

O chemeco d'as parolas (en aragonés)

Afogau

Archibau en Cheneral • Fecha: 05-07-2005 20:00:00

Me debanté estando pobre de tot

L'atro día me debanté y... bueno, a berdat ye que ya eba bisto a pobres por as carreras d'a ziudat. Una begada que yera charrando con os amigos me contón que i eba pobres que en yeran por plazer: que quereban estar pobres!

A yo ixo me costaba d'entender, porque quí quiere estar pobre?. Claro, no entendeba bien a filosofía.

Te cuento:

Cuan me debanté, sintié a nezesidat de salir de casa y no tornar-ie. D'estar libre y bibir baxo o zielo, de no treballar ta bibir. Porque: Quí impuso que ta bibir cal treballar? A bida ye treballo?

Beyeba en a tele os maratons d'as canals ta nimbiar diners a los países pobres, y beyeba as imachen d'os ninos treballando de basureros. No treballan prou ixos ninos? Sí. Pero biben? No. A bida no ye treballo.

Marché de casa mía. Fa una semana que no i torno. No tiengo diners, no tiengo ta chentar, ni sisquiera tiengo qué pensar. Nomás en buscar un buen puesto an que chazer, sin aire, amagau d'a chen, y d'os gamberros y nazis subnormals.

Fa 4 días se fazió o día contra a pobreza. Me'n enteré por un periodico que trobé y dimpués emplegué como manta. Deziba que se eban feito quemisió de conziertos en contra d'a pobreza, y charraba d'Africa y tot ixo.
En una editorial, deziba un personache que si yeran paises pobres yera porque quereban, que no quereban treballar, cuasi deziba que yeran un rabaño de galbans.

Pero, quí puede querer estar pobre, y pienso en os míos amigos. Agora, cuan me beigan, dirán que yo quiero estar-ne. Pos no, yo no quiero ixo, nomás quiero poder bibir, poder ser libre. O treballo no ye bida, ye esclabitut. As cosas han de cambiar.

Maitín te contaré qué boi a fer ta que cambien.

Se fa de nueit, me'n boi, que he d'amagar-me d'o mundo ta poder dormir en paz dica que amanixca.

Escrito por Charrabís
(1) Comentarios • (0) Referencias • Binclo pernanén

Referencias (URL para referencias)

Comentarios

Muchacho, pica alto quien con tradicional lengua horadar quiere la costra que el desconocimiento creó con la ignominia del temor a lo extraño o lo desconocido.
Continúa pues, por el duro camino que has elegido, y, aunque tropieces, levántate presto, éstas tierras de confusión te necesitan.

Fco Qvdo
Francisco de Quevedo — 15-07-2005 18:36:20