:: O chemeco d'as parolas (en aragonés) ::

O chemeco d'as parolas (en aragonés)

Metamorfosis

Archibau en Cheneral • Fecha: 04-07-2005 20:00:00

Una semana que fa tener miedo

Aquel amiguet que te conté deziba que eba cambeau y se trobaba más adulto. Pos yo tamién he cambeau; más encara, soi cambeando todas as semanas de personalidat.
Dende que me debanté aquel día trobé que yera una persona diferén, aquella semana estié un fillo de put..., cosa que si fas comparanza con o que soi güe, te parixerá una fateza.

Fazié de tot.

En clase, foteba pilotazos a los empollons, cantaba, feba carrañar a las mesachas y le jodeba al profesor.
En a carrera, correba debán d'os autos, puyaba ta os arbols, furtaba lamins d'as botigas y les foteba patadas a las gayatas d'os biellos.
Y cuan beyeba a un camello con droga, cantaba: "bando, bandooo, o camello ye traficandoooo".

Total, que yera un gamberro de tot, no feba que meter-me en líos.

Pero ya que m'ese quedau con ixa personalidat, porque la que tiengo agora ye mil begadas pior.

Estió ayere cuan en torné a cambear, dimpués de debantar-me, charré con mi pai de politica y tot ixo, y en beyer as mías ideyas, me dizió: "Pero fillo, quí yes tú?".

Escrito por Charrabís
(0) Comentarios • (0) Referencias • Binclo pernanén