:: O chemeco d'as parolas (en aragonés) ::

O chemeco d'as parolas (en aragonés)

Quí yes tú?

Archibau en Cheneral • Fecha: 03-07-2005 20:00:00

O día que me debanté y me trobé con tú.

Yera un zagal normal, d'ixos que no quieren estar o zentro d'atenzión. Bestiba normal, feba o normal en todas as cosas y mesmo minchaba de tot (fueras de pescau, espinais y figado) ta que no pensase dengún que yera diferén.

Estudiaba, beyeba la telebisión, leyeba libros ta chobens, chugaba con l'ordenador, quedaba con os amigos...

Pero qué pasó?

Un amigo, que ye un catenaz, fa un mes que fazió 18 años.
Nos deziba a la resta que eba cambiau prou dende aquel día. Que agora yera muito más gran... "adulto", deziba.

Denguno de nusatros nos creyébanos mica no que deziba, pero agora beigo que igual teneba razón.

Bueno, encara no t'he contau qué me pasó: L'atro día en fazié 18 yo tamién. Prou que ye una cosa normal, pero...

Cuan me debanté, me miré en o espiello y qué me i trobé! pos un tío que no yera yo!
(Si has bisto a peli de Spiderman, no te trafuques, que yo continaba tan arguellau como siempre).

M'eba cambiau l'esmo, ya no yera ixe zagal normalichón que se debanta ta desayunar-se un baso de leit y prou. Me trobaba diferén... y pensé: "Quí yes tú?".

Escrito por Charrabís
(0) Comentarios • (0) Referencias • Binclo pernanén